Smiley face
sorani
Smiley face

Li Iraq û Herêma Kurdistanê dengdan bi dawî bû

2018-05-12 18:06:00
Li Herêma Kurdistanê û Iraqê dengdana ji bo dema 4. ya Parlamentoya Iraqê bi dawî bû.


 

 

NAVENDA NÛÇEYAN

 

Li seranserî Herêma Kurdistanê û Iraqê îro di saet 07:00'an de welatiyan berê xwe dan navendên dengdanê û dengên xwe dan. Di saet 18:00'an de jî dengdan bi dawî bû.

 

Li Herêma Kurdistanê û serarserê Iraqê 24 milyon 349 hezar û 357 kesî mafên dengdanê hebûn,  ji hilbijêran 3 milyon 144 hezar û 730 kes li parêzgehên Herêma Kurdistanê (Dihok, Hewlêr û Silêmaniyê) mafên wan ên dengdanê hebû.

 

Li seranserî Iraqê 55 hezar û 323 navendên dengdanê hebû. Li wan navendan 133 hezar û 415 kes weke nûnerên hêzên siyasî,  74 hezar û 646 kes jî weke çavdêrên navxweyî, 963 kes weke çavdêrên biyanî û 329 rojnameger derve hilbijartin şopandin.

 

Li Kurdistan û Iraqê bi giştî 320 hêz û hevpeymanên siyasî bi 88 lîsteyan ketin  hilbijartinê. Ji vana 215 jê partiyên siyasîne, 27 jî kaolîsyon in. Ji bo 329 kursiyan ketin pêşbawiyê.

 

Li Herêma Kurdistanê jî 503 namzet li ser navê 25 lîste û hevpeymanan ketin pêşbirkê. 

 

Wê encamên fermî piştî 48 saetan were ragihandin.

 

(ab)



-
RojNews
Peywendî


Korek   : +964 7508749379

Asia      : +964 7718835920

Normal : +964 533361295

Email    : [email protected]
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin