Smiley face
sorani
Smiley face

Îranê pêşî li sersaxiya ji bo çalakvanê Kurd girt

2018-01-14 15:10:04
Şaxê Wezareta Îtlaetê ya bajarê Sine rê neda malbata ciwanê bi navê  Saro Qehremanî yê li  Girtîgeha  Sineyê bi êşkenceyê hate qetilkirin taziye jê re li mizgefê  deyne. Her wiha çalakvanên sivîl ên Sineyê banga çûyîna sersaxiyê li gel kir.  


 

 

NAVENDA NÛÇEYAN

 

Ciwanê Kurd ê bi navê Saro Qehremanî (24) ku li bajarê Sine yê Rojhilatê Kurdistanê hate binçavkirin, li Girtîgeha Îtlaetê ya Sine jiyana xwe ji dest daye û şevê din Îtlaeta Sine ji malbatê re gotin werin cenaze bigrin. Hêzên îtlaeta Îranê îro jî rê nedan malbatê ji bo Saro Qehramanî yê bi êşkenceyê hatî kuştin sersaxiyê deynin.

 

Piştî ku Şaxê Wezareta Îtlaetê ya Sineyê  rê neda li mizgefê tazî ji bo Saro were danîn, malbatê li mal tazî jê re danin.

 

Çalakvanên sivîl ên Sineyê jî bang li gel kirin ji bo sersaxiyê biçin mala malbata Saro Qehremanî.

 

Navnîşana sersaxiya ji bo Saro Qeremanî wiha hate ragihandin; "Meydana Nibwet, Cadeya Sîrûs, Girê Beharmest, kolana Mizgefta Sedîqiye.

 



-
RojNews
Peywendî


Korek   : +964 7508749379

Asia      : +964 7718835920

Normal : +964 533361295

Email    : [email protected]
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin