Smiley face
sorani
Smiley face

Kurdistaniyên derveyî welat ji bo azadiya Ocalan di çalakiyê de ne

2017-08-13 08:36:46
Çalakiyên Kurdistaniyên li derveyî welat ya ji bo azadiya Rêberê PKK’ê Abdullah Ocalan her diçe zêde dibe. Li Elmanya Berlîn û Hannoverê û li Parîsa Fransayê li dijî tecrîda li ser Rêberê PKK’ê  Abdullah Ocalan çalakî hatin lidarxistin û di çalakiyê de daxwaza azadiya Ocalan hate kirin.


 

 

NAVENDA NÛÇEYAN

 

 

Çalakiyên bi dirûşma ‘Azadî ji bo Rêber Apo’ ya li Ewropayê hatiye destpêkirin her diçe mezintir dibin. Duh saet 17.00’an meş li Wîttenbergplatzê (Berlîn) dest pê kir, di meşê de tecrîd hate şermezarkirin, pankart û posterên azadî ji Ocalan re têxwastin hatin hilgirtin. Meş ji ber dêra dîrokî ya kavil dest pê kir û heta bi kolana Uhlandê berdewam kir.

 

Di meşê de dirûşmên ‘Bê Serok Jiyan nabe’, ‘Bijî Serok Apo’ û ‘Azadiya Serok azadiya Kurdistanê ye’ berz bûn.

 

Turîst û gelê Berlînê pêwendiyeke zêde nîşanî çalakvanan dan. Çalakî piştre bi dirûşman qediya.

 

PARÎS

 

Li banliyoya Corbeîl a Parîsê bi pêşengiya Meclîsa Ciwanan a Şehîd Zinar Raperîn jî bi armanca şermezarkirina pêkanînên derveyî mirovahiyê yên li girava Îmraliyê çalakiyeke bêîtîatiya sivîl hate kirin.

 

Çalakî di çarçoveya kampanyaya ‘Azad Bike’ de pêk hat, li ber Şaredariya Corbeîlê daxuyaniyeke çapemeniyê hate dayîn. Piştî daxuyaniyê ciwan li kolana herî şîn a Corbelîlê meşek kirin.

 

(bz)

 

 

 

 

 



-
RojNews
Peywendî


Korek   : +964 7508749379

Asia      : +964 7718835920

Normal : +964 533361295

Email    : [email protected]
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin