Smiley face
sorani
Smiley face

KJAR’ê Cejna Newrozê pîroz kir

2017-03-20 15:58:35
KJAR'ê bi daxuyaniyeke nivîskî ragihand ku ewê Newroza 2017’an bi serkeftinê tacîdar bikin.


 

 

 

NAVENDA NÛÇEYAN

 

Komelgeya Jinên Azad a Rojhilatê Kurdistanê (KJAR) bi boneya Cejna Newrozê peyameke pîrozbahiyê weşand û Newrozê li hemû gelê Kurd yê azadîxwaz, li Rêberê PKK’ê Abdullah Ocalan û şervanên ji bo azadiya gelê xwe têdikoşin, jinan û bi taybet jî li gelên Îranê û Rojhilatê Kurdistanê pîroz kir.

 

Di daxuyaniyê de wiha tê gotin; "Em Newroza 2017’an bi kelecana ji nû ve vejîna jiyana bi rûmet, mizgîniya azadiya  cejna berxwedanê, cejna azadî, vekhevî heqîqetê di serî de kawayê hemdem Reber Apo, hemû gelê Kurdistan, jina kurd, pîr û ciwanê kurd û hemû civaka mirovatî  pîroz dikin.

 

Cejna Newrozê destana berxwedanî û serkeftina têkoşîna kawayan li beramberî zilimdarî, neheqî  û koletiye. Ji bo gelê kurd jina kurd bûye çanda jiyana azadî û rihê berxwedaniyê. Newroz weteya jiyanê bi sekna zekiya Alkan, Rahşan Demîrel, Şirîn Elemhulî, Mazlûm doganan ji agirê bedena xwede, jiyana azad ji bona gelê xweyê  ku di nava pençeyên dijminan de xilaskirin û ronî kirine."

 

Daxuyaniya KJAR’ê wiha dewam dike: “Newroz mîna nêrgiz, gul û beybunên ji nava dilê axa pîroz renga şengiya xweşikbûn û bedewbuna jiyana azadi hebûn kirine. Cejna Newrozê banga dengê berxwedane ji bo gelê kurd. Agirê Newrozê li diji tarîtiyê ronahiya fikra Zerdeşt ji bo gelê kurd bûye baweriya ku di latande gul bişkivandin. "

 

KJAR’ê destnîşan kir ku sedsala 20 û 21’an bi fikir û felsefa Ocalan carek din bi berxwedaniyê agirê Newrozê geşkiriye û li her derê cîhanê bûye cihê bîr, bawerî hêvî û evîna jiyana azad û got: “Îro Newroz cîhan xemilandiye, îro Newroz gerdûn bi govenda azadiyê, biratî û dostan mirovatî dilşa kiriye. Îro jina Kurd mina rengê biharê her dever cil û bergê xweyê bedew jiyan xemilandiye. Bi sekna jina azad, jina herî bedew kiriye çanda jiyana serbilindî û serfiraziya dirokê. Em her kêlî, her rojê û hemû salê bi tekoşîna azadiyê bi zanistiya çanda hebûn bi berxwedaniyê xwe berdevam dike."

 

KJAR’ê di dawî de ev gotin kir: “Li dijî her cure koletî, neheqî û zordariyê, bi ruhê berxwedaniya cejna Newrozê ji Kirmanşa heya Ûrmiyê ji Mahabat heya Îlamê ji Cîzîra Botan heya Amedê ji Dersîm heya Qamişlo jî Kobanî heya Afrînê ji Silêmanîyê heya Kerkûkê ji Şengalê heya Zagrosan bixin xeleqek ji agirê berxwedaniya Newrozê û têkoşîna azadiya hebûna xwe misoger bikin. Agirê Newrozê diyarî Roja pîroz bikin. Carek din em cejna Newroz tevahî gelê kurd, gelê Rojhilata Navîn û mirovahî pîroz dikin.”

 

 

 



-
RojNews
Peywendî


Korek   : +964 7508749379

Asia      : +964 7718835920

Normal : +964 533361295

Email    : [email protected]
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin