Smiley face
Smiley face
Smiley face

١٦ی ئایار و هێرشی پارتی بۆسەر نەخۆشخانەی گەریلا بریندارەکان

2018-05-16 13:25:15



ڕۆژنیوز - ناوەندی هەواڵەکان

 

٢١ ساڵ پێش ئێستا لە ڕۆژێکی وەک ئەمڕۆدا، پارتی لەسەر داواکاریی حکومەتی تورک هێرشی کردە سەر نەخۆشخانەیەک کە گەریلا بریندارەکانی پەکەکەی تێدا چارەسەردەکران و ٨٠ گەریلا و ئەندامی نەخۆشخانەکەی شەهیدکرد.

 

لەو کاتەدا، واتە لە ساڵی ١٩٩٧دا پەکەکە و پارتی لە ئاگربەستدا بوون و پارتی پابەندبوبوو بەوەی کە بەشداری نەکات لە شەری سوپای تورک لەدژی پەکەکەدا، بەڵام ڕێککەوتنەکەی شکاند.

 

تەرمی گەریلاکان و ئەندامانی نەخۆشخانەکە نەدرایەوە خانەوادەکانیان، تەرمی ژمارەیەک لەو شەهیدانە لەنزیک فڕۆکەخانەی هەولێر بەخاکسپێردراون.

 

یەکێک لە پێشمەرگە شایەتحاڵەکانی ئەو ڕووداوە دەگێڕێتەوە، کە هەموو تەرمەکانیان بە بارهەڵگر گواستەوە و بەدزییەوە لەسەر ڕێگای هەولێر بۆ دهۆک لەنزیک فڕۆکەخانەی ئێستای هەولێر بەخاکیان سپاردن.

 

پارتی هاوکات لەگەڵ هێرش بۆسەر نەخۆشخانەکە هێرشی کردە سەر ناوەندی گشتی یەکێتی دیموکراتی کوردستان، ناوەندی کلتوری میزۆپوتامیای هەولێر، یەکێتی ژنانی ئازادی کوردستان، هەروەها هێش کرایە سەر ڕۆژنامەکانی وڵات و وڵاتی ڕۆژ و ناوەندەکانی ئەو ڕۆژنامانەیان تۆپبارانکرد، لە ئەنجامی ئەو هێرشانەشدا ژمارەیەکی زۆر مرۆڤی بێ بەرگری بوونە قوربانی و گیانیان لە دەستدا، پاش ئەو ئۆپەراسیۆن دەستگیرکردنی چالاکوانان دەستیپێکرد.

 

بەگشتی لەئەنجامی ئەو کۆمەڵکوژییەدا ٥٢ گەریلای بریندار و نەخۆشی پەکەکە و هەندێک لە کارمەندان و وڵاتپارێزانی نەخۆشخانەکە شەهیدکران، لەو کەسانەی وا دەستگیریشکران مەزەندە دەکرێت زۆربەیان کوژرابن، بە گشتی نزیکەی ٨٠ کەسی بێ بەرگری لەلایەن پارتییەوە کوژران.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin