Smiley face
Smiley face
Smiley face

کتێبێکی ئۆجالان لە ڕۆژی جیهانیی کتێبدا خرایە بەر گفتوگۆ

2018-04-23 18:16:35



ڕۆژنیوز - بۆتان گەرمیانی

 

لە ئێوارە کۆڕێکدا، کە بەبۆنەی ڕۆژی جیهانیی کتێبەوە لە شارۆچکەی کەلار ڕێکخرابوو، گفتوگۆ لەسەر کتێبی (مانیفستۆی شارستانێتی دیموکراتی، کتێبی پێنجەم)ی عەبدوڵا ئۆجالان، ڕێبەری پەکەکە کرا.

 

ئێوارەی ئەمڕۆ، لە هۆڵی یانەی ڕۆشنبیری، لە شارۆچکەی کەلاری ناوەندی ئیدارەی گەرمیان، گروپی خۆبەخشانی کەلار، بە بۆنەی ڕۆژی جیهانیی کتێبەوە، ئێوارە کۆڕێکی لەسەر پەرتووکی (مانیفستۆی شارستانێتی دیموکراتی، پەرتووکی پێنجەم)ی عبدوڵا ئۆجالان، ڕێبەری پارتی کرێکارانی کوردستان-پەکەکە، بۆ ڕزگار شێرزاد، شارەزای بواری مێژوو ڕێکخست.

 

ڕزگار شێرزاد لە کۆڕەکەدا وتی:"لە ئێستادا کۆمەڵگای خۆمان لە قەیرانی فکردان و دەتوانین بە گۆڕستانی فکر ناوی بێنین، ئامانجی ئێمەش لەم کۆڕەدا دیبەتکردنی فکر یان یەکێک لە پەرتووکەکانی ئۆجالانە، کە فەیلەسوفێکی کوردە و بووەتە موڵکی مرۆڤایەتیی، بۆ زیاتر نزیکایەتی کۆمەڵگا لەگەڵ فکر و فەیلەسوفێکی وەها کە ناکرێت بەهەند وەرینەگرین".

 

 

وتیشی:"ئۆجالان لەم پەرتووکەدا بە سەرەکیی  شەڕی دوو مێژوو بە بنەما دەگرێت، کە ئەویش مێژووی کۆمەڵگای سروشتی و مۆدێرنیتەی سەرمایەداری-ن، کە لە دیدی ئۆجالاندا، کۆمەڵگای سروشتی سەرچاوەی کۆمەڵگای هەرەوەزی و پێکەوەژیان و ڕەنجە و خاوەنی کشتوکاڵ و یەکسانی ڕەگەزییە، هەرچی مۆدێرنیتەی سەرمایەدارییە، سیستمێک یان مێژوویەکی خۆسەپێن و دەسەڵاتخوازە و لەسەر ڕەنجی کۆمەڵگای سروشتی خۆی بنیادناوە، دەخوازێت دەستبگرێت بەسەر جیهاندا، فۆرمێکی لیبراڵیزمی هەیە و تاکێک دەسەپێنێت بەسەر کۆمەڵێکدا و دەوڵەت-نەتەوە بە بنەما دەگرێت و کاردەکات بۆ سڕینەوەی ڕەنگە جیاوازەکان و سەرچاوەی فرتوفێڵ و ناوەندگەرایی دەسەڵات و چینگەراییە".

 

لە کۆتایی کۆڕەکەشدا، دەرگای گفتوگۆو و ڕەخنە و پێشنیار و سەرنج دەربارەی پەرتووکەکە بەڕووی بەشداربوواندا کرایەوە.

 

 

ب.ل



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin