Smiley face
Smiley face
Smiley face

تەڤدا: دەبێت ئێزدییەکان دەنگیان بدەنە ئیرادەی خۆیان

2018-04-22 12:37:52



ڕۆژنیوز - شەنگال

 

تەڤگەریی ئازادی و دیموکراسیی ئێزدییان- تەڤدا، ڕایگەیاند، کە خەڵکی ئێزدی دەبێت دەنگیان بدەنە ئیرادەی خۆیان.

 

هەڵبژاردنی پەرلەمانی عێراق ڕۆژی ١٢ی ئایار ئەنجام دەدرێت، کۆمەڵگای ئێزدیش دوو کاندیدی پادێی داوەتە پێش وەک نوێنەرانیان لەو هەڵبژاردنەدا، برۆ بەرەکەت مۆرۆ، یەکێک لە دامەزرێنەرانی تەڤدا لە بارەی هەڵبژاردنەکەوە بۆ ڕۆژنیوز دوا.

 

برۆ بەرەکەت مۆرۆ دەڵێت: تەڤدا بزووتنەویەکە کە خەڵکی ئێزدی لە سەر بنەمای هزری ڕێبەر ئاپۆ دایان مەزراندووە، لە کاتی دامەزراندنی بزوتنەوەکەدا پارتی دیموکراتی کوردستان کێشەی زۆری بۆ دروست کردین و هەوڵیدا تێکۆشانمان بوەستێنێت، مەبەستی سەرەکی لە دامەزراندنی تەڤدا بونیاتنانی بزوتنەوەیەک بوو کە نوێنەرایەتی هەموو پێکهاتە و لایەنەکانی شەنگال بکات.

 

مۆرۆ وتیشی: لە کاتی فەرمانەکەدا هەمووان بینییان کە تەڤدا چ ڕۆڵێکی گێڕا و چ خزمەتێکی بە گەلەکەمان کرد، لەولاوە هەمووان بینییان پارتی بەو هەموو چەکەوە ڕای کرد، لە پاش ئەو فەرمانەوە چیدی پێویست ناکات خەڵک بیر بکەنەوە، دەبێت دەنگیان بدەنە ئیرادەی خۆیان، واتە کاندیدەکانی پادێ.

 

برۆ بەرەکەت مۆرۆ ڕاشیگەیاند: کۆمەڵگای ئێزدی  بە باوەڕ و هێز و ئیرادەیەوە لە نوێوە هەستایە سەر پێ و وەڵامی فەرمانی دایەوە، تەڤدا بووە هێزێکی گەورە، ئێستاش پادێ هێزێکی جیا لە ئێزدییەکان و لە ئێمە نییە، کۆمەڵگای ئێزدی سەدان شەهیدی داوە، دەبێت خاوەندارێتی بکەین لە شەهیدەکانمان، نابێت لە بیرمان بچێتەوە و پێویستە دەنگ بدەینە کاندیدەکانی پادێ.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin