Smiley face
Smiley face
Smiley face

حکومەتی تورک یاساکانی داعش لە عەفرین جێبەجێدەکات

2018-04-22 10:31:17



ڕۆژنیوز - ناوەندی هەواڵەکان

 

سوپای تورک بەردەوامە لە پێشێلکارییەکان و تاوانەکانی لە دژی گەلی کورد لە عەفرین، لەم دواییانەدا بە ناوی ئیسلامەوە سەرپۆشی بۆ ژنانی عەفرین کردە زۆرەملی.

 

سەرچاوە خۆجێییەکان لە عەفرینەوە ڕایانگەیاندووە، کە سوپای تورک و چەتەکانی لە بەردەوامیی زۆردارییەکانیان لە عەفرین سەرپۆش و جلوبەرگی درێژیان بۆ ژنانی عەفرینی کردووەتە زۆرەملی.

 

هەروەها ڕێگانادەن بە ژنان، کە بە تەنیا بە شەقامەکاندا بگەڕێن و دەبێت باوک برا یان هاوسەریان لەگەڵ بێت.

 

ئەو تاوانانەی چەتەکانی سەربە تورکیا لە پاش تاڵانکاری ماڵ و موڵکی هاوڵاتیانی عەفرین و هەروەها ئەشکەنجە و ڕفاندنی هاوڵاتیان و سوکایەتیکردن و دەستدرێژی کردنە سەر ژنانی عەفرینییە.

 

هاوڵاتیان لە عەفرینەوە دەڵێن، ئەوانەی حکومەتی تورک لە عەفرین ئەنجامیان دەدات، هیچ جیاوازیی لەگەڵ کردەوەکانی چەتەکانی داعش نییە.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin