Smiley face
Smiley face
Smiley face

لە زانکۆی مەریوان پشتگیریی مانگرتنی کاسبکاران کرا.. بە ڤیدیۆ

2018-04-22 09:10:01



ڕۆژنیوز - ناوەندی هەواڵەکان

 

ئەمڕۆ هەشتەمین ڕۆژی مانگرتنی گشتیی دوکانداران و کاسبکارانی شارە سنوورییەکانی ڕۆژهەڵاتی کوردستانە لە دژی داخستنی سنوورە کۆڵبەرییەکان، خوێندکارانی زانکۆی مەریوان پشتگیریی ئەو مانگرتنەیان کرد.

 

ئێوارەی دوێنێ، خوێندکارانی زانکۆی پەیامی نووری مەریوان، بە ئەنجامدانی چالاکییەک پشتگیریی داواکارییە بەرحەقەکانی دووکانداران و کاسبکارانی ڕۆژهەڵاتی کوردستانیان کرد.

 

خوێندکاران لەو چالاکییەدا بە ڕیز وەستان و بە نووسینی دروشم و داواکارییەکانی مانگرتووەکان، پشتگیرییان دەربڕی بۆ مانگرتنی گشتیی دوکانداران و کاسبکارانی مەریوان  و شارە سنوورییەکانی دیکەی کوردستان.

 

چالاکوانانی پانکاردی "نا بۆ داخستنی سنوورەکان"، "نان و کار"، "مانگرتن بەردەوامە"، "نەسرەوتن تا سەرکەوتن" و "کوردستان وا خەریکە قڕدەکرێت"یان بە دەستەوە گرت و لە دوو ڕیزدا لە هۆڵی زانکۆکە وەستان.

 

جێگای ئاماژەیە، کە مانگرتنی دووکانداران و کاسبکارانی ڕۆژهەڵاتی کوردستان لە دژی داخستنی سنوورە کۆڵبەرییەکان و بەرزبوونەوەی نرخی باج و گومرک، پێش هەشت ڕۆژ بە دەستپێشخەری کاسبکارانی شارەکانی بانە و جوانڕۆ دەستیپێکرد و پاشان بە شارەکانی مەریوان، سەقز، بۆکان، مەهاباد، سەردەشت، پیرانشار و ورمێدا بڵاوبووەوە.

 

ئەمڕۆ مانگرتەنەکە لە هەشتەمین ڕۆژیدا بەردەوامە.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin