Smiley face
Smiley face
Smiley face

شەنگال، کاندیدەکانی پادێ لەگەڵ هاوڵاتیان کۆبوونەوە

2018-04-21 13:13:58



ڕۆژنیوز - شەنگال

 

سەمیر دەروێش و خوەدێداد موراد، هەر دوو کاندیدەکەی پارتی ئازادی و دیموکراسیی ئێزدییان- پادێ، لە بارەی هەڵبژاردنەوە لەگەڵ هاوڵاتیانی ئێزدی کۆبوونەوە.

 

ئەمڕۆ لە ناوەندی شەنگال کاندیدەکانی پادێ لەگەڵ هاوڵاتیانی ئێزدی کۆبوونەوە و لە بارەی هەڵبژاردن و بەرنامەکانیانەوە قسەیان بۆ خەڵک کرد.

 

کۆبوونەوەکە بە خولەکێک بێدەنگی بۆ ڕێزگرتن لە یادی شەهیدان دەستیپێکرد، لە هۆڵی کۆبوونەوەکەش پۆستەرەکانی دوو کاندیدەکە هەڵواسران.

 

چەندین هاوڵاتی ئێزدی لە کۆبوونەوەکەدا بەشدارییان کرد، کاندیدەکانی پادێ باسیان لەو بەرنامانە کرد کە دەیانەوێت بۆ هاوڵاتیانی ئێزدی و شەنگال ئەنجامی بدەن.

 

پاشان ڕیهام هەجۆ، هاوسەرۆکی ئەنجومەنی خوبەڕێوبەریی دیموکراتیی شەنگال قسەیکرد و وتی: ئێمە وەک ئەنجومەنی خۆبەڕێوبەری دیموکرات پشتگیریی کاندیدەکانی پادێ دەکەین، بەرنامەکانی ئەو کاندیدانە بەرنامەی خەڵکی ئێزدین.

 

موراد ئەلخالتی، جێگری هاوسەرۆکانی پادێش قسەیکرد و وتی: ئێمە لە ساڵی ٢٠٠٥-ەوە بۆ کۆمەڵگای ئێزدی تێدەکۆشین، بەڵام لە چەند ساڵی ڕابردوودا دەرفەتی ئەوەمان هەبووە کە حزبی خۆمان هەبێت و لەو ڕێگایەوە تێبکۆشین.

 

لە پاش قسەکانی قسەکەراندا هاوڵاتیان دروشمی "بژی بەرخۆدانی شەنگال"یان وتەوە و کۆبوونەوەکە کۆتایی پێهات.

 

دوای کۆبوونەوەکە کاندیدەکان بە ناو بازاڕ و دووکانەکانی شەنگالدا گەڕان و لە نزیکەوە قسەیان لەگەڵ هاوڵاتیان کرد.

 

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin