Smiley face
Smiley face
Smiley face

ژنێکی گەنج لە کەلار خۆی سووتاند

2018-04-20 20:09:33



ڕۆژنیوز - هاوڕێ کرێکار

 

ژنێکی گەنج لە شارۆچکەی کەلار ئاگری لە جەستەی خۆی بەردا و بەهۆیەوە گیانی لەدەستدا، بەڕێوبەری بەرەنگاربوونەوەی تووندوتیژی دژ بە ژنانی گەرمیانیش دەڵێت، کە تا ئێستا هۆکاری خۆسووتاندنی ئەو ژنە گەنجە نەزانراوە.

 

ئەمڕۆ، لە شارۆچکەی کەلاری ناوەندی ئیدارەی گەرمیان، ژنێکی گەنج-ی تەمەن ٢٤ ساڵ خۆی سووتاند و بەوهۆیەوە گیانی لەدەستدا.

 

ئەقید لەمیعە محەمەد، بەڕێوبەری بەرەنگاربوونەوەی تووندوتیژی دژ بە ژنان لە گەرمیان، بە ڕۆژنیوزی ڕاگەیاند: ئەو ژنە گەنجە لە ماڵەکەی خۆیاندا ئاگری لە جەستەی خۆی بەرداوە و لەبەر زۆریی ڕێژەی سووتانەکەی دەستبەجێی گیانی لەدەستداوە.

 

 

ئەوەشی خستەڕوو: ژنە گەنجەکە ناوی (ه.ع.م) بووە لەدایکبووی ساڵی ۱۹۹٤ بووە و خوێندکاری قۆناغی چوارەمی زانکۆ بووە.

 

بەوتەی بەڕێوبەری بەرەنگاربوونەوەی تووندوتیژی دژ بە ژنان لە گەرمیان، هێڵکاری بۆ شوێنی ڕووداوەکە دەستیپێکردووە لێکۆڵینەوەکان بەردەوامن، ڕاشیگەیاند: تا ئێستا هۆکاری خۆسووتاندنی ژنە گەنجەکە نەزانراوە و کەسیش لەسەر ڕووداوەکە دەستگیر نەکراوە.

 

به‌پێی ئامارێک که‌ ڕۆژنیوز لای خۆی کۆی کردووه‌ته‌وه‌، له‌ سه‌ره‌تای ئه‌مساڵه‌وه‌ تا ئێستا له‌ باشوری کوردستان ١١٥ هاوڵاتی خۆیان کوشتووه‌ یان کوژراون.

 

ب.ل



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin