Smiley face
Smiley face
Smiley face

ڕۆژی ژینگەی کوردستان و کیمیابارانی دۆڵی بالیسان

2018-04-16 14:17:06



ڕۆژنیوز- ئاشتى و بڕیار

 

ڕۆژی کیمیابارنی دۆڵی بالیسان و خۆشناوەتی لەلایەن ڕژیمی بەعسەوە، کرا بە ڕۆژی ژینگەی کوردستان و ساڵانە لەو یادەدا ژینگەی باشور لە ژەهری ئەو گازە پاک دەکرێتەوە.

 

ئێوارەی ١٦/٤/١٩٨٧ ڕژێمی لەناوچووی بەعس، شێخ وەسان و بالیسانی کیمیا باران کرد، بەمەش دۆڵی بالیسانی خۆشناوەتی بووبە یەکەمین قوربانی چەکی کیمیاویی ئەو ڕژێمە لە باشوری کوردستان.

 

لەو کیمیابارانکردنەدا ٢٦٤ ھاوڵاتی شەھید و زیاتر لە ٤٠٠ ھاوڵاتی بریندار بوون، هەروەها هەوا و ژینگەی ناوچەکە تێکەڵ بە ژەهر بوو، ھەر بۆیە حکومەتی هەریمی کوردستان ئەو ڕۆژەی وەک ڕۆژی ژینگەی کوردستان دیارییکرد.

 

ئەمڕۆش لەو یادەدا لە شارەدێی بالیسان بە مەراسیمێک یادی قوربانیانی کیمیاباران کرایەوە و چەند باڵندەیەکیش ئازادکران و گەڕێندرانەوە بۆ ژینگەی خۆیان.

 

 

هەروها، له‌شارۆچکه‌ى چه‌مچه‌ماڵى سه‌ر به‌پارێزگاى سلێمانى هه‌ڵمه‌تێکى نه‌مام چاندن به‌ڕێوه‌چوو، یادی قوربانیانی ئەنفال و کیمیاباران-یش کرایەوە.

 

چالاکییەکە لەلایەن ڕێکخراوى ئاینده‌ بۆ پاراستنى ژینگه‌ بەڕێوەچێت و بڕیارە لەم هەفتەیەدا شەش چالاکیی ئەنجام بدەن، کە خۆی دەبینێتەوە لە چانندی گوڵ و نەمام و خەڵاتکردنی ژینگەپارێزان.

 

له‌کارنامه‌یاندایه‌ کاروچالاکییه‌ ژینگه‌ییه‌کانیان شارۆچکه‌ى ڕانیه‌و شارى هه‌ڵه‌بجه‌ى شه‌هیدیش بگرێته‌وه‌.

 


ش.ف
 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin