Smiley face
Smiley face
Smiley face

گۆڕان و یەکێتی لە بادینان: میتی تورکیا لە دەڤەرەکە دەسەڵاتی هەیە

2018-04-16 08:34:05



ڕۆژنیوز – ڕۆزە محەمەد


گۆڕان و یەکێتی لە بادینان ڕایدەگەیەنن، تورکیا لە زۆنی زەرد بنکە و بارەگایان زیاد بووە و میتی تورک لەو دەڤەرانە دەسەڵاتی هەیە و بە پاڵپشتی پارتی دیموکراتی کوردستان مامەڵە دەکەن.


بۆ گەڕاندنەوەی تەرمی ئەو سێ برایەی، کە حەوت ڕۆژ بەر لە ئێستا لە بۆردوومانەکانی سوپای تورکدا لە شارەدێی شیلادزێی کۆمەڵکوژکران، کەسوکارەکانیان لە خاکی باشوری کوردستان مۆڵەتیان لە سوپای تورک وەرگرت.


موئەیەد ئەحمەد، باژێڕوانی مەکۆی دهۆکی بزووتنەوەی گۆڕان بۆ ڕۆژنیوز وتی: دۆخی ژیانی هاوڵاتیان زۆر خراپە، بۆیە ناچار ڕوو لە شاخەکان دەکەن و ڕووەکە بەهارییەکان کۆدەکەنەوە تا بیفرۆشن و پارەیەکیان دەستبکەوێت، بەڵام بە داخەوە کە چەندین کارەساتی لەم شێوەیە ڕوودەداتەوە.

 


موئەیەد ئەحمەد، وتیشی: "ئەوانەی خۆیان بە حکومەت دەزانن لەم هەرێمە هیچ هەڵوێستێکیان نییە، تورکیا خۆی کردووە بە حکومڕانی دەڤەری زۆنی زەرد، خەڵک نازانێت پەنا بۆ کوێ بەرێت، لەم زۆنە زەردە ٢٠ بنکە و بارەگای تورکیای لێیە کە هەمووشیان چەکی قورسیان پێیە، ئەمەش دەگەڕێتەوە بۆ ئەو پەیوەندیە بەرژەوەندیخوازەی پارتی لەگەڵ تورکیادا، خەڵکیش بوەتە قوربانی ئەو بەرژەوەندیەی بنەماڵەی بارزانی".


باژێروانی مەکۆی دهۆکی بزوتنەوەی گۆڕان، ڕاشیگەیاند: "میتی تورکیا مامەڵە (تەحەکوم) بەم دەڤەرەوە دەکات، هەبوونی تورکیا لە دەڤەری زەرد بەرەو زیاتر بوون دەچێت، خەڵک لەوە دەترسێت کە تورکیا نیەتێکی زۆر خراپی هەیە بۆ داگیرکردنی کوردستان، کە لە هەمووی ناخۆشتر ئەوەیە کە پارتێکی کوردی وەک پارتی دیموکراتی کوردستان لەگەڵ تورکیادایە".


هەروەها فەرەج ڕێکانی، بەرپرسی کۆمیتەی یەکێتی لە شیلادزێی-ی سەر بە پارێزگای دهۆک بە ڕۆژنیوزی ڕاگەیاند: سوپای تورکیا دەسەڵاتەکانیان زیاد بووە و بنکە و بارەگاکانیان زیاد بووە لەم دەڤەرە.

 


ئەوەشی وت: هەموو ئەوانەی سوپای تورک دەیکات بە پاڵپشتی پارتییە لەم ناوچەیەدا.


ک.ک
 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin