Smiley face
Smiley face
Smiley face

تەندروستیی شەهبا بانگەوازیی هاوکاری بۆ ئاوارەکان دەکات

2018-03-22 12:48:32



ڕۆژنیوز - ناوەندی هەواڵەکان

 

دەرمان و کەرەستەی تەندروستی لە شارۆچکەی فافینی سەربە کانتۆنی شەهبا کەمە و بەشی ئاوارەکان ناکات، ناوەندی تەندروستی شەهبا بانگەوازیی هاوکاری دەکات بۆ ئاوارەکانی عەفرین.

 

ناوەندی تەندروستی شەهبا لە کاتژمێر ٠٨:٠٠ی بەیانییەوە تا ٠٤:٠٠ی پاشنیوەڕۆ کاردەکات، بەڵام بە شێوەی ٢٤ کاتژمێریش ئامادەیە بۆ گەیاندنی خزمەتگوزاری تەندروستی بۆ ئاوارەکانی عەفرین.

 

لەگەڵ هەموو کەمیی دەرفەتەکانی ناوەندی تەندروستی شەهبا، تا ئێستا بۆ ٣٥١ دۆخی بەپەلە و ٣٠٠ نەخۆشی دیکە چارەسەریی پزیشکیان کردووە، هەروەها ٢٠ هاوڵاتی دیکەی عەفرین کە لە کاتی هێرشی چەتەکاندا برینداربوبوون دەرمان کراون.

 

بەڕێوبەرانی ئەنجومەنی تەندروستیی شەهبا دەڵێن، کە دەرفەت، دەرمان و کەرەستەی پزیشکیان کەمە بۆ ئەوەی بتوانن بە هەموو ئاوارەکان ڕابگەن، بۆیە بانگەوازیی ناوەندە تەندروتسییە نێودەوڵەتییەکان و خاچی سووری نێودەوڵەتی دەکەن کە هاوکاریی ئاوارەکانی عەفرین بکەن.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin