Smiley face
Smiley face
Smiley face

پزیشکێکی کورد لە ئەورپاوە چووەتە عەفرین بۆ هاوکاریکردنی هاوڵاتیان

2018-03-22 11:07:10



ڕۆژنیوز - ناوەندی هەواڵەکان

 

دکتۆر دڵگەش کەرکوکی کە خەڵکی باشوری کوردستانە، پاش دەستپێکردنی هێرشی سوپای تورک بۆ سەر عەفرین لە ئەوروپاوە چووە عەفرین بۆ هاوکاریکردنی هاوڵاتیانی عەفرین.

 

دڵگەش کەرکوکی لە دەستپێکی هێرشەکەوە وەک خۆبەخش هاوکاریی ناوەندی تەندروستی عەفرینی کردووە و ئێستاش لە شەهبا بەردەوامە لە هاوکارییەکانی بۆ هاوڵاتیانی ئاوارەی عەفرین.

 

دکتۆر دڵگەش دەڵێت: وەک کوردێک کە ئەزموونی ئەنفالم هەیە، هەوڵدەدەم لێڕە خزمەتی هاوڵاتیان بکەم، بەڵام بە داخەوە دەرفەتەکانمان کەمە و ناتوانین بە هەموو هاوڵاتیان ڕابگەین.

 

 

لە بەردەوامیشدا وتی: بانگەوازیی هەموو گەلی کورد و کۆمەڵگای نێوودەوڵەتی دەکەم، کە هەستن بە ئەنجامدانی ئەرکیان بۆ پشتگیریکردنی عەفرین، ئەوە ئەرکێکی مرۆییە.

 

هەروەها وتیشی: دۆخی هاوڵاتیان زۆر خراپە، خەڵک ماڵەکانیان بەجێهێشتووە و ئاوارە بوون، نە خواردن هەیە، نە شوێنی مانەوە و نە ئاوی پاک و نە شیر بۆ منداڵان، پرسیاری من ئەوەیە، ڕێکخراوە تەندروستییە جیهانییەکان لە کوێن؟ نەتەوە یەکگرتووەکان لە کوێیە؟ باس لە دەرچوونی خەڵک لە عەفرین دەکەن، بەڵام کەس بیر لە داهاتوویان لە ئاوارەییدا ناکاتەوە.

 

لە کۆتاییشدا وتی: من وەک پزیشکێک خۆبەخشانە هاتوومەتە ئێرە، ئەو نەخۆشخانەیەی کارمان تێدا دەکرد بۆردوومان کرا، بەم دۆخە و بێ نەخۆشخانە ناتوانم نەشتەرگەری بۆ خەڵک بکەم، لە بەر ئەوەش ئێستا لە مانگی سووردا هاوکاری هاوڵاتیان دەکەم، لەوە زیاتر هیچم لە دەست نایەت.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin