Smiley face
Smiley face
Smiley face

ئاودانان: زۆرترین مەترسی لەسەر باشوری کورستان هەیە

2018-03-22 10:43:56



ڕۆژنیوز - قەندیل

 

ئەندامێکی کۆنسەی سەرۆکایەتی کەجەکە ڕایدەگەیەنێت، کە پێویستە هەموو کورد بڕژێنە شەقامەکان بۆ پشتیوانی بەرخۆدانی کورد، وەک خۆشی دەڵێت تورکیا "دوای هێرشی عەفرین زۆرترین مەترسی لەسەر باشوری کورستانە".

 

ڕێوار ئاودان، ئەندامی کۆنسەی سەرۆکایەتی کۆما جڤاکاێن کوردستان- کەجەکە، لەسەر داگیرکارییەکانی سوپای تورک و بەرخۆدانی عەفرین، بۆ ڕۆژنیوز دەدوێت.

 

ڕێوار ئاودان سەرەتا نەورۆزی لە گەلانی ناوچەکە پیرۆزکرد و وتی:"پێویستە ئێمە هەموومان دژی داگیرکارییەکان بووەستینەوە، بەتایبەت لە ئێستادا کە نەورزی سەرهەڵدانە، گەلەکەمان لە ڕۆژهەڵاتی کوردستان گرنگە زیاتر لە هەوڵداندا بن و بە چالاکییەکانیان پشتیوانی بەرخۆدانی عەفرین بکەن.

 

وتیشی:"پاڵپشتی گەلەکەمان بۆعەفرین جێگای ڕێز و دەست خۆشیی بووە لە دوو مانگی ڕابروودا، بەڵام بۆ بەرخۆدانی عەفرین بەس نییە، پێوسیتە گەل زیاتر پشتیوانی ئەو بەرخۆدانەکە بکەن و شەقامەکان چۆڵ نەکەن.

 

ئاودانان نیازەکانی تورکیای لە هێرشی سەر عەفریندا شیکردەوەو وتی:"تورکیای فاشیست دەخوازێت لە هێرشی سەر عەفریندا گەلی کورد پاکتا و بکات و کوردستان بێ کورد بکات و ئیرادەی کورد بشکێنێت، بۆیە پێویستە لە ئاستی هەرە بەرزدا خاوەنداری لە عەفرین بکرێت".

 

سەرنجیشی خستە سەر گۆشەگیرییەکانی سەر ئۆجالان و وتی:"ئەو گۆشەگیرییەی سەر سەرۆک ئاپۆ کە ماوەی دوو ساڵە هیچ ئاگاییەکمان لەسەری نییە، هێرشە بۆسەر ناسنامە و  ئازادی و بەها مرۆیەکانی کورد، هەروەک چۆن ئەوهێرشەی دەکرێتە سەر عەفرین هێرشە بۆسەر گەلی کورد لە هەرچوار پارچەی کوردستان".

 

ئاودانان لەسەر ئامانجەکانی سوپای تورک لە هێرشکردنە سەر عەفریندا ڕوونیکردەوە: ڕژێمی تورک بەئاشکرا باس لەوەدەکەن کە دوای داگیرکردنی عەفرین، ناوچەکانی دیکەش داگیردەکەن، ئەو مەترسییانە زیاتر لەسەر باشووری کوردستانە، بۆیە گرنگە هەمووان ئاگاداری ئەوەبین، کە تا هەموو پاڕچەکانی کوردستان ئازاد نەبن، هیچ پارچەیەک ناتوانێت بڵێت ئازاد بوین و هیچ مەترسیەک لەسەر ئێمە نییە".

 

لە کۆتایی لێدوانەکەیدا ڕێوار ئاودانان، وتی:"ئێستا کات کاتی بەرخۆدانە، پێویستە هەموومان هەستینە سەرپێ ، کە سبەی داگیرکەر کورد پاکتاو بکات و کوردستان بێ کورد بکات، ئەوکاتە هیش شتێک سودی نابێت، بۆیە ئێستا کاتی خاوەندارییکردنە لە عەفرین، بە تایبەت لە باشووری کوردستان، چونکە لەڕاستیدا دوای عەفرین مەترسی هەرە گەورە لە سەر باشوورە".

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin