Smiley face
Smiley face
Smiley face

ئاماری توندوتیژییەكانی دژ بە ژنان لە هەڵەبجە و شارەزوور ڕاگەیەندرا

2018-01-16 13:10:31



ڕۆژنیوز - هاوكار مستەفا

 

نوسینگەی بەرەنگاربوونەوەی توندووتیژ دژ بە ژنان لە شارۆچكەی سەیدسادق ئاماری توندوتیژییەكانی دژ بە ژنان، لە سنووری پارێزگای هەڵەبجە و شارەزوور و سەیدسادق و پێنجوێن بۆ دەزگاكانی ڕاگەیاندن خستەڕوو، كە بەراورد بە 2016 ڕێژەی توندوتیژییەكان بەڕێژەی %13 زیادییان كردووە.

 

نیوەڕۆی ئەمڕۆ لەكۆنگرەیەكی ڕۆژنامەنوسیدا لە بینای نوسینگەی بەرەنگاربوونەوەی توندوتیژی دژبەژنان لە شارۆچكەی سەیدسادق، لەلایەن بەرپرسی نوسینگەكەوە ئاماری توندروتیژییەكانی دژ بە ژنان لەماوەی ساڵی ڕابردودا لە سنوورەكە خستەڕوو.

 

لە كۆنگرە ڕۆژنامەنووسییەكەدا ڕائید بورهان ئەحمەد، بەرپرسی نوسینگەی بەرەنگاربوونەوەی توندوتیژی دژ بە ژنان لە سەیدسادق ئەوەی خستەڕوو: بەدرێژایی ساڵی ڕابردوو لە هەریەكە لە سنوروی پارێزگای هەڵەبجە و شارۆچكەكانی سەیدسادق و پێنجوێن و شارەزوور، 273 حاڵەتی توندوتیژی دژ بە ژنان تۆماركراون، بەجۆرێك لە شارۆچكەی سەیدسادق زۆرترین و لە شارۆچكەی پێنجوێن-یش كەمترین حاڵەتەكانی توندوتیژی دژ بە ژنان تۆماركراون.

 

ڕوونیشیکردەوە: لە سنووری پارێزگای هەڵەبجە 55 حاڵەت و شارۆچكەی سەیدساق 124 حاڵەت و لە شارۆچكەی پێنجوێن 33 حاڵەت و لەشارۆچكەی شارەزوریش 61 حاڵەتی توندوتیژی دژ بە ژنان تۆماركراون، بەوشێوەیەش شارۆچكەی سەیدسادق لەپلەی یەكەم دێت بۆ ئەنجامدانی زۆرترین توندوتیژی دژ بەژنان، هاوكات زۆرترین حاڵەتەكانی توندوتیژیش لە جۆری لێدان بوون.

 

لێپرسراوی نوسینگەی بەرەنگاربوونەوەی توندوتیژی دژ بە ژنان لە شارۆچكەی سەیدسادق ئەوەشی وت: لە ساڵی ڕابردوودا حەوت حاڵەتی سوتانی ژنان و تۆماركراوە، كە دووحاڵەتییان خۆسوتاندن بووە، هەروەها 33 حاڵەتی هەڕەشەكردن و 11 حاڵەتی لێسەندنەوەی منداڵ لە ژنان لەلایەن هاوسەرەكانیانەوە تۆماركراون، بۆیە بەشێوەیەكی گشتی بە بەراورد بە ساڵی 2016 ڕێژەی توندوتیژییەكان بە ڕێژەی لە%13 زیادییان كردووە.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin