Smiley face
Smiley face
Smiley face

دەمیرتاش: لە هەلومەرجێکی سەختدا پارێزگاری لەخۆم دەکەم

2018-01-12 18:53:23



ڕۆژنیوز – ناوەندی هەواڵەکان

 

سەلاحەدین دەمیرتاش، هاوسەرۆکی هەدەپە ڕایگەیاند، کە لەگەڵ ئەوەی کە لەم دانیشتنەدا بەشێوەی کراوە دادگایی دەکرێم، بەڵام لە هەلومەرجێکی سەختدا پارێزگاریی لەخۆم دەکەم.

 

ئەمڕۆ، سه‌ڵاحه‌دین ده‌میرتاش هاوسه‌رۆکى پارتی دیموکراتی گەلان-هه‌ده‌په‌ له‌ یه‌که‌مین دادگایکردنیدا به‌ شێوه‌یه‌کى ئاشکرا له‌ دادگای له‌ ئیسته‌نبوڵ بەڕێوەچوو.

 

لە دادگاییکەدا، دەمیرتاش پارێزگارینامەیەکی خوێدەوە و وتی: لەگەڵ ئەوەی کە لەم دانیشتنەدا بەشیوەیەکی کراوە دادگایی دەکرێم، بەڵام لە هەلومەرجێکی سەختدا پارێزگاریی لەخۆم دەکەم.

 

وتیشی: بەرلەوەی پەرلەمانتارێک سزابدرێت، پێویستە پارێزبەندی لەسەر هەڵبگیرێت، هەروەها لە لایەن داواکاری گشتی و دادگاوە لێکۆڵینەوەی لە کەیسەکەی کرابێت، بەڵام تاوەکو ئێستا هیچ لە لایەن دادگاوە پشکنین بۆ هیچ لێپرسینەوەیەک نەکراوە.

 

لەبەشێکی دیکەی پارێزگارینامەکەیدا، دەمیرتاش، ئەوەشی خستەڕوو: بە ٣-٤ شێوە مافی خۆپارێزیی بە پەرلەمانتاران دراوە، لە ئەنجومەنی گشتیش پەرلەمانتار مافی پارێزگاریی لەخۆی هەیە، لەبەرامبەر هەر کەیسێکدا مافی خۆپارێزیی هەیە، ئەوەش قۆناخی سەرەتایی سزادانە، واتە مافی خۆپۆراست لێرە دەستپێناکات، بەڵکو لە پەرلەمان دەستپێدەکات، بۆیە مافی خۆپاراستنی ئێمە پێشێلکراوە.

 

دوای خوێندنەوی پارێزگاریینامەکەی سەلاحەدین دەمیرتاش، دادگا بڕیاری دواخستنی دانیشتنی لەسەر کەسی دەمیرتاش دەرکرد، بۆ ١٧-٠٥-٢٠١٨.

 

ب.ل



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin