Smiley face
Smiley face
Smiley face

قائیمقامیەتی پشدەر لەسەر هەواڵێکی ڕۆژنیوز ڕوونکردنەوە دەدات

2017-12-11 18:54:05



ڕۆژنیوز – ناوەندی هەواڵەکان

 

دوای ئەوەی ڕۆژنیوز هەواڵێکی لەسەر هاتنی هێزێکی ئێرانیی بۆ ناو بازاڕی شارۆچکەی قەڵادزێ بڵاوکردەوە، قائیمقامیەتی شارۆچکەی پشدەر ڕاگەیەندراوێکی بڵاوکردەوە و ڕایگەیاند:"ئەو هێزانە شاندێکی هەنگی مەرزی سەردەشت بوون و بە شێوەیەکی فەرمی هاتووەتە قەلادزێ، بە مەبەستی ئەنجامدانی کۆبوونەوە لەگەڵ پاسەوانی سنوور".

 

ئێوارەی ئەمڕۆ، قائیمقامیەتی شارۆچکەی پشدەر-ی سەر بە ئیدارەی ڕاپەڕین، لەسەر هاتنی ژمارەیەک سەربازی ئێرانی بۆ بازاڕی شارۆچکەکە، ڕوونکردنەوەیەکی بڵاوکردەوە.

 

لە ڕوونکردنەوەی قائیمقامییەتی شارۆچکەی پشدەر-دا، هاتووە:"دیارە پەیوەندییە مەرزییەکانی نێوان پشدەر و سەردەشت لە چوارچێوەی بەرنامەیەک ڕیکخراون لە نێوان هێزەکانی پاسەوانی سنووری ئێمە و هەنگی مەرزی ئەوان، بەپێی ئەو بەرنامەیە کۆبوونەوەی هاوبەش لە نێوانیاندا ساز دەکرێت، جارێک کۆبوونەوەکان لە سەردەشت و جاری دواتر لە قەلادزێ ئەنجام دەدریت".

 

ئەوەش هاتووە:"ئەمرۆش وەفدێکی هەنگی مەرزی سەردەشت بە شێوەیەکی فەرمی هاتووەتە قەلادزێ، بە مەبەستی ئەنجامدانی کۆبوونەوە لەگەڵ پاسەوانی سنوور، دوای نان خواردنی نیوەرۆ لەگەڵ هێزەکانی پاسەوانی سنوور، بەناو بازاری قەلادزێدا تێپەریون و دواتریش گەراونەتەوە بۆ سنوور، بە مەبەستی سەردانی چەند خالێکی مەرزی نیوانیان".

 

جێی ئاماژەیە، دوای نیوەڕۆی ئەمڕۆ دوو ئۆتۆمبێلی سەربازیی سوپای پاسداران هاتنە ناو شارۆچکەی قەڵادزێ-ی سەر بە ئیدارەی ڕاپەڕین و سەربازەکان بەناو بازاڕدا گەڕان، ڕۆژنیوز وێنەی ئەو ئۆتۆمبێلانە و سەربازەکانی لەناو بازاڕی شارۆچکەکە بڵاوکردەوە، ئەمەش بووبە جێگای سەرنجی هاوڵاتیان.

 

 

ب.ل



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin