Smiley face
Smiley face
Smiley face

ژنانی گەنجی تێکۆشەر: بەشوودانی منداڵی نۆ ساڵ دەستدرێژییکردنە بۆسەر ژنان

2017-12-11 14:22:18



ڕۆژ نیوز ـ سەمیرا شەهابی

 

ژنانی گەنجی تێکۆشەر لەبەردەم زانکۆی سلێمانی ناڕەزایەتیان دەربڕی لەبەرامبەرهەموارکردنی یاسای باری کەسێتی وبەشوودانی منداڵان لە تەمەنی نۆساڵیدا و بە دەستدرێژیی بۆ سەر ژنان ناوەزەدیان کرد.

 

ئەمڕۆ کاتژمێر ۱:۰۰ ی پاش نیوەڕۆ، لە بەردەم زانکۆی سلێمانی  کۆنگرەیەکی ڕۆژنامەنووسی لە لایەن ژنانی گەنجی تێکۆشەرەوە بەڕێوه چوو، بەمەبەستی ئیدانەکردنی پڕۆژەیاسای  هەموارکردنی یاسای باری کەسێتی عێراق و گەنجانی وڵاتپارێزی کوردستانیش بەشداربوون.

 

لە کۆنگرەکەدا، دڵخۆش عەبدولوەهاب، خوێندکاری زانکۆ و ئەندامی ڕێکخراوی ژنانی گەنجی تێکۆشەر ڕاگەیەنداروی ڕێکخراوەکەیانی خوێندەوە، کە تیایدا هاتبوو: دۆخی ژنان لە باشووری کوردستاندا خراپە و تا دێت ڕێژەی کوشتن و پێشەلکارییەکان زیاد دەبێت، ئەمەش لە کاتێکداییە یاسا و ڕێگای جیاجیا نەگیراوەتە بەر و زیاتر لایەنی عەشیرەتی و مەزهەبیی بڕیار لەسەر چارەنووسی ژنان دەدات.

 

هەروەها، هاتبوو: لەم دواییەدا بەشوودانی کچان لە تەمەن نۆساڵیدا خرایە ناو پرۆژە یاسایەکی ئەنجومەنی نوێنەرانی عێراقەوە، کە ئەمە دەستدرێژییە بۆ سەرژنان و بە کۆیلە کردنیان لە ناوکۆمەڵگادا.

 

هەروەها لە بەییاننامەکەدا هاتبوو: ژنان بە گشتی و تایبەت لە کوردستاندا بە تێکۆشان ئەوەیان سەلماندووە، کە هێزی بەڕێوەبردنی کۆمەڵگا بە تەواویی لە ئەستۆ دەگرن و هەموو ئەو پێشەلکارییانە لە ژێر ناوی دین و ناشرینکردنی دینە و دەبێت خاوەن هەڵویست بین و لەو چوارچێوەیەدا کەساییەتییە ئایینییەکانیش بێدەنگ نەبن و کۆمەڵگا هوشیاربکەنەوە.

 

ژنانی گەنجی تێکۆشەر لە کۆتاییدا، بانگەوازییان لە هەموو ژنان و ڕێکخراوەکانی مافی مرۆڤ کرد، کە بێدەنگ نەمێنن و هەڵوێستییان هەبێ بۆ ڕەتکردنەوەی ئەم پڕۆژە یاسایە لە ئەنجومەنی نوێنەرانی عێراق.

 

 

ش.ف



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin