Smiley face
Smiley face
Smiley face

ناتانیاهۆ: ئەردۆغان کورد بۆردوومان دەکات و ناتوانێت وانەی ئەخلاق بداتە ئێمە

2017-12-11 09:04:55



ڕۆژنیوز - ناوەندی هەواڵەکان

 

بنیامین ناتانیاهۆ سەرۆک وەزیرانی ئیسرائیل، ڕەخنەی توندی لە ئەردۆغان و قسەکانی بۆ بە تیرۆریست زانینی ئیسرائیل گرت و، وتی: ناتوانین وانەی ئەخلاق لە کەسێکەوە وەربگرین کە گوندە کوردنشینەکان بۆردوومان دەکات.

 

شەوی ڕابردوو بنیامین ناتانیاهۆ کاردانەوەی پیشاندا بەرامبەر بە قسەکانی ئەردۆغان کە وتبووی:"ئیسرائیل حکومەتێکی منداڵ کوژە".

 

دوێنێ پاش دیداری لەگەڵ ئیمانوێل ماکرۆن، سەرۆک کۆماری فەرەنسا، ناتانیاهۆ وتی: ئورشەلیم پایتەخمانەو هەرگیز پایتەختی هیچ وڵاتێکی دیکە نەبووە، هەر کاتێک فەلەستینییەکان ئەوەیان قبوڵکرد، ئەو کاتە دەتوانین بگەینە قۆناغێکی ئاشتی.

 

سەبارەت بە هەڵوێستی وڵاتانی عەرەبیش، وتی: هەوڵمان وایە، کە سیاسەتەکان و پەیوەندییەکانمان بە وڵاتانی عەرەبییەوە ئاسایی بکەینەوە، دەبینین کە هەڵوێستی هەندێک لە وڵاتانی عەرەبی بەرامبەرمان گۆڕاوە، هەوڵدەدەین ئاشتی پێش بخەین.

 

لەبارەی ئەردۆغانیشەوە، وتی: ناتوانم باوەڕم بەوە بێت کە وانەی ئەخلاق لە کەسێکەوە وەربگرم، کە گوندە کوردنشینەکان بۆردوومان دەکات و ڕۆژنامەنووسەکان دەخاتە زیندانەوەو هاوکاری تیرۆریستەکانی غەزە دەکات، ئەو لە پێگەیەکدا نییە کە وانەی ئەخلاق بداتە ئێمە.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin