Smiley face
Smiley face
Smiley face

عادل عوسمان: پێویستمان بە ڕێگەچارەیەکی دیموکراتیی سیاسییە

2017-12-10 16:35:16



ڕۆژنیوز- ڕۆزە محەمەد

 

ئەندامێکی دەستەی بەڕێوەبەری بەرەی دیموکراسی گەل پێیوایە، کە ھەلومەرجی ئەمڕۆی عێراق ئەوە دەسەلمێنن کە دانن بە ماف و ئازادی ھاوڵاتیان نانرێت و ھەوڵی لەباربردنی ئازادی و ئەو دەستکەوتانە دەدەن کە بەدەست ھاتووە، دەشڵێت:"پێویستمان بە ڕێگەچارەیەکی دیموکراتیی سیاسیی ھەیە".

 

ئێوارەی ئەمڕۆ، بەرەی دیموکراسی گەل بەهاوبەشی دەزگای ڕۆشنبیریی جەمال عیرفان، سیمینارێکی بۆ عادل عوسمان، ئەندامی دەستەی بەڕێوەبەری بەرەی دیموکراسی گەل، سەبارەت بە کێشەکانی عێراق و ڕێگەچارەی دیموکراتی بۆ کێشەکان سازکرد.

 

 

عادل عوسمان، لە سیمینارەکەدا وتی: لە عێراقدا ئەو ڕێگەچارانەی کە تاقی کراوەتەوە، کوشتار و تاڵان و داگیرکاریی بووە، ھاوڵاتی بە بنەما نەگیراوە، گرنگە لەناو کێشەکانی عێراق و پێکھاتەکان ڕێگەچارەیەکی دیموکراتیی بدۆزرێتەوە.

 

 

عادل، وتیشی: ھەلومەرجی ئەمڕۆی عێراق ئەوە دەسەلمێنن، کە دانن بە ماف و ئازادی ھاوڵاتیان نانرێت و ھەوڵی لەباربردنی ئازادی و ئەو دەستکەوتانە دەدرێت کە بەدەست ھاتووە، بۆیە بۆ گێڕانەوەی ئەو دەستکەوتانە پێویستمان بە ڕێگەچارەیەکی دیموکراتیی سیاسیی ھەیە، ئێمەش لەو چوارچێوەیەدا ھەوڵمان ئەوە دەبێت کە سیستەمێکی دیموکراتی کۆنفیدڕاڵی دابمەزرێنین و گەنجان و تاک جێگە بکەینەوە، دەتوانین شەنگال و ڕۆژئاوا وەک نمونەیەک بھێنینە بەرچاو و بیکەین بە نمونەیەک، کە چۆن تاکەکان و گەنجەکانی بەڕێوەی دەبەن.

 

لەبەشێکی دیکەی قسەکانیدا، ئەو ئەندامەی دەستەی بەڕێوەبەری بەرەی دیموکراسی گەل، ئەوەشی خستەڕوو: ئێمە وەک بەرەی دیموکراسی گەل، دژی ئەو کارانەیەین کە لەکاتی تەنگەژەکاندا ھەرێمی کوردستان و عێراق چەکیان لە یەک ڕاکێشا، کە ئەمەش دژی سیستمی دیموکراتییە، ئەوەی گرنگە یەکگرتنی ھەردوولایە و بەڕێوەبردنی ھاوبەشە.

 

ڕاشیگەیاند: لە سیستمی دیموکراتیدا بەش بەشێنەی تێدا نییە، ئەوەی تێیدایە تەنھا بە بنەماگرتنی بەشداری ھاوڵاتیانە، ھەروەھا دەوڵەتێک کە خزمەتی ھاوڵاتیان بکات و لەڕووی ئابوورییەوە خزمەتی ھاوڵاتیانی بکات.

 

هەر لە قسەکانیدا، عادل عوسمان، ئەندامی ئەنجومەنی بەڕێوەبەری بەرەی دیموکراسی گەل، ئاماژەی بەوەشکرد: ئەگەر سەیری خورماتوو بکەین لە ئێستادا شەڕ و کوشتار ھەیە کە ئەمەش بۆ ئەو سیستەمە دەسەڵاتدارییە دەگەڕێتەوە کە وێنەی دەسەڵاتدارییان نیشان دا کە بەم شێوەیە ئێمە دەسەڵاتداری دەکەین و وە لە کەرکوکیش زۆرترین خاکی کوردیان لە دەستدا.

 

لەکۆتایی سیمینارەکەدا، دەرگای گفتوگۆ و پرسیارکردن بەڕووی بەشداربووندا کرایەوە.

 

 

ب.ل



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin