Smiley face
Smiley face
Smiley face

سلێمانی، هۆشداری دەدرێت لە مەترسی بڵاوبونەوەی نەخۆشی شێرپەنجە

2017-12-10 14:04:53



ڕۆژنیوز – ڕۆزە محەمەد

 

هاوڵاتیان بۆ لەناوبردنی مێرووەکان پەنا دەبەنە بەر بەکارهێنانی ماددە کیمیاوییەکان و ئەمەش دەبێتە هۆی نەخۆشی شێرپەنجە، سەرۆکی لیژنە هاوبەشەکانی قایئمقامییەتی سلێمانیش لەو بارەیەوە هۆشداری دەداتە هاوڵاتیان.

 

ئەو دەرمانانەی بۆ لەناوبردنی مێروو لەماڵاندا بەکاردەهێنرێت، لە کۆمەڵێک پێکهاتەی کیمیایی دروست دەکرێت، کە مەترسی بڵاوبوونەوەی نەخۆشییەکانی شێرپەنجەی لێ دەکرێت و بێستون عەلی سەرۆکی لیژنەی نوسینگە کشتوکاڵییەکان.

 

بێستون عەلی، سەرۆکی لیژنەی نوسینگە کشتوکاڵییەکانی سەربە لیژنە هاوبەشەکانی قائیمقامییەتی سلێمانی بە ڕۆژنیوزی وت، کە ڕۆژانە سەردانی نوسینگە و کۆمپانیا و خانووە پلاستیکەیە کشتوکاڵییەکان دەکەن و پشکنین بۆ ئەو دەرمانانە دەکەن لە کشتوکاڵکردن یاخود بۆ لەناوبردنی مێروو بەکاردەهێنرێت، بەم هۆیەشەوە لەلایەن لیژنەکەیانەوە دەست بەسەر بڕێکی زۆر دەرمانی لەناوبردنی مێروودا گیراوە.

 

بێستون عەلی وتیشی: یەکێک لەو ماددە مەترسیدارانەی لە دروستکردنی دەرمانی قڕکەردا بەکاردەهێنرێت (پایپه‌رماپین)ە، کە ڕێژەیەکی زۆر لەو ماددە ژەهراویە لە پێکهاتەیدا هەیە، کۆمپانیا بەرهەمهێنەرەکەی لە هەرێمی کوردستان و عێراق تۆمارنەکراوە، و بەرهەمەکانیان جێی مەترسییە، لەبەرئەمەش قەدەغەکراوەو ڕێگری لە کڕین و فرۆشتنی دەکرێت.

 

سەرۆکی لیژنەکە، ئاماژەی بەوەشکرد: پێشتر لەلایەن لیژنەکەوە ئاگاداری سەرجەم نوسینگە و کۆمپانیا کشتوکاڵییەکان کراونەتەوە لە هاوردەنەکردن و نەفرۆشتنی ئەو ماددە مەترسیدارانە‌، ئەو بڕەشی دەستی بەسەردا گیراوە لەناو دەبرێت و خاوەنەکانیشیان ڕووبەرووی یاسایی دەکرێنەوە.

 

پایپەرماپین، بە دوو شێوە مرۆڤ بەکاری دەهێنێت، بەشێکی راستەوخۆ لەماڵەکاندا وەک دەرمانی لەناوبردنی مێروو بەکاردەهێنرێت و بەشەکەی تر بەشێوەیەکی لاوەکی و لەڕێی سەوزەو میوەوە دەگوازرێتەوە بۆ مرۆڤ و لەئەگەری بەکارهێنانیشی دەبێتە هۆی لەدەست دانی بەهای خۆراکی بەرهەمەکان و زیانێکی زۆر بە تەندروستی مرۆڤ دەگەیەنێت.

 

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin