Smiley face
Smiley face
Smiley face

بە تۆمەتی تێکدانی ئاسایشی گشتی لە سەقز ژنێک بە لێدانی پەنجا قامچی سزا درا

2017-12-10 11:26:05



ڕۆژنیوز - ناوەندی هەواڵەکان

 

دادگای گشتی شارۆچکەی سەقز، بە تۆمەتی بەشداریکردنی لە گردبوونەوەکانی شارەکانی ڕۆژهەڵات بۆ پشتیوانی ڕیفراندۆم، ژنێکی کوردی بەناوی زەمانە زێوی، بە لێدانی ٥٠ قامچی سزا دا.

 

دادگای گشتی شارۆچکەی سەقز لە ڕۆژهەڵاتی کوردستان، پێنجشەممەی ڕابردوو، ئەو بڕیارەی پشتڕاستکردەوە کە بە تۆمەتی تێکدانی ئاسایش گشتی بۆ چالاکوانێکی ژن دەرچووبوو.

 

دادگای گشتیی شاری سەقزی سەربە پارێزگای سنە سزای لێدانی ٥٠ قامچیی بەسەر ژنەچالاکوانێکی کورد بەناوی زەمانە زێویدا سەپاند، بەو تۆمەتەی لە خۆپیشاندانەکانی پشتگیریی لە ریفراندۆم لە سەقز بەشداری کردبوو.


دانیشتنی دادگای زەمانە زێوی ٢٦ی مانگی ڕابردوو لە دادگای گشتی سەقز بەڕێوەچوو بوو، سەرئەنجام پێنجشەممەی هەفتەی ڕابردوو دادگاکە بڕیاری کۆتایی لە بارەی ئەو ژنەچالاکوانەوە دەرکرد.

 

بەپێی ئەو بڕیارە، زەمانە زێوی بە تۆمەتی "تێکدانی ئاسایشی گشتی" لەلایەن دادگای گشتی سەقزەوە بە لێدانی ٥٠ قامچی سزا دراوە، زەمانە زێوی دەبێت چاوەڕێی بڕیاری لقی شاری سەقزی دادگای شۆڕشی ئێران بمێنێتەوە و پاشان سزاکەی جێبەجێ بکرێت.

 

پێدەچێت لەم ڕۆژانەی داهاتوودا، دانیشتنی دادگای ژمارەیەکی دیکەی ئەو کەسانە بەڕێوەبچێت کە لە خۆپیشاندانەکانی پشتگیریکردنی ڕیفراندۆم لە شارەکانی ڕۆژهەڵات بەشداریان کردبوو.

 

پاش نیشاندانی خۆشحاڵی بۆ بەڕێوەچوونی ڕیفراندۆم لە ڕۆژهەڵاتی کوردستان، وەزارەتی ئیتلاعاتی ئێران ئۆپەراسیۆنی دەستگیرکردنی ئەو هاوڵاتیانەی دەستپێکرد کە بەشدار بوون، تا ئێستا سەدان هاوڵاتیی دەستگیر کردووە.

 

د.خ



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin