Smiley face
Smiley face
Smiley face

زەینەب جەلالیان بەردەوامە لە مانگرتن لە خواردنی دەرمانی چارەسەری

2017-12-06 14:18:36



ڕۆژنیوز - ناوەندی هەواڵەکان

 

بە پێ ڕاپۆرتێکی تۆری مافی مرۆڤی کوردستان، دوخی تەندروستی زەینەب جەلالیان، ژنەزیندانیی سیاسی کورد لە زیندانی شاری خۆی-ی سەربە پارێزگای ورمێ ناجێگیرە و بەردەوامە لە مانگرتن لە خوردنی دەرمانی چارەسەری.

 

زەینەب جەلالیان لە زستانی پارەوە بە مەبەستی نارەزایەیی دەربرین بەرامبەر بە بێبەشکردنی لە چارەسەری پزشکی، دەستی داوەتە مانگرتن لە خواردنی دەرمانی چارەسەری.

 

هەروەها ڕاگەیەندراوە، کە کاربەدەستانی زیندانی خۆی رێگری دەکەن لە چاوپیکەوتنی زەینەب لە گەل خانەوادەکەی، لە ڕۆژانی ڕابردووشدا بەپرسێکی سەربازی لە زیندانەکەدا بێڕێزی پێکردووە، لە بەرامبەردا زەینەب دەستی داوەتە خۆپاراستن و لە گەڵ ئەو بەرپرسەی زیندانەکە بە شەڕ هاتووە.

 

ئەمیر سالار داوودی پاریزەری جەلالیان پێشتر لە مانگی ئایاری ئەمساڵدا لە میانەی نامەیەکەوە بۆ داواکاری گشتی دادگای ئێران، هۆشداری دابوو سەبارەت بە ناجێگیربوونی دۆخی تەندروستی ناوبراو.

 

زەینەب جەلالیان لە دایکبووی ساڵی ١٩٨٢ ی گوندی دیم قشڵاخی سەر بە شاری ماکۆی پارێزگای ورمێ-یە، لە ساڵی ٢٠٠٧دا لە کرماشان لە لایەن هیزە ئەمنیەکانی ئێرانەوە دەستگیرکراوەو تا ئێستا لە زینداندا ماوەتەوە.

 

زەینەب بە تومەتی ئەندامێتی لە پارتی ژیانی ئازادی کۆردستان-پژاک، ئەشکەنجە درا و لە دادگایەکی چەند خۆلەکیدا سزای لە سێدارەدانی بەسەردا سەپێندرا.

 

جێگای ئاماژەیە، کە لە ژێر کاریگەری ڕایگشتی و هەوڵدانی ناوەندە جیاوازەکان و چالاکوانانی مافی مرۆڤ، سزای لە سێدارەدانی زەینەب بو زیندانی تاهەتایی گوڕدرا.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin