Smiley face
Smiley face
Smiley face

کەسێک کوژرا و یەکێکی تریش بریندار بوو

2017-12-03 14:38:19



ڕۆژنیوز - عەلی قادر

 

لە دوو ڕووداوی جیاوازدا لە سنووری ڕاپەڕین کەسێک کوژرا و پۆلیسێک-یش بریندارکرا.

 

شەوی ڕابردوو، لە شارۆچکەی ڕانیەی ناوەندی ئیدارەی ڕاپەڕین و شارۆچکەی قەڵادزێ-ی سەر بە هەمان ئیدارە دوو ڕووداوی تەقەکردن ڕوویدا.

 

 شۆڕش ئیسماعیل، وتەبێژی پۆلیسی ڕاپەڕین بە ڕۆژنیوزی ڕاگەیاند:" شه‌وی ڕابردوو لە شارۆچکەی قەڵادزێ مه‌فره‌زه‌کانی بنکه‌ی پۆلیسی فریاکه‌وتن له‌کاتی به‌جێهێنانی ئه‌رکی خۆیان گومانیان له‌ ئۆتۆمبێلێکی جۆری (مێکه‌زه‌مین) کردووە، که‌ له‌سه‌ر قه‌برستانی ڕاپه‌ڕین وه‌ستابوو‌، دوای ئه‌وه‌ی پرسیاریان لە شۆفێرەکە ڕووبەڕووی مه‌فره‌زه‌کانی پۆلیس بووتەوە و به‌ چه‌کی جۆری (ده‌مانچه‌) ته‌قه‌ی لێکردوون، به‌و هۆیه‌شه‌وه‌ کارمه‌ندێکی پۆلیسی فریاکه‌وتن به‌ ناوی ( پ. ئ. ئ ) برینداربووە.

 

شۆڕش، وتیشی:"پۆلیسەکە دوو فیشه‌ک به‌ر قاچی ڕاستی کەوتووە و دوای گه‌یاندنی بۆ نه‌خۆشخانه‌ی فریاکه‌وتنی قه‌ڵادزێ به‌هۆی سه‌ختی برینه‌که‌یه‌وه‌ به‌ڕێکراوە بۆ سلێمانی".

 

ڕاشیگەیاند :"دواتر مه‌فره‌زه‌کانی پۆلیس توانیان ته‌قه‌که‌ره‌که‌ ده‌ستگیر بکه‌ن و په‌ڕاوی لێکۆڵینه‌وه‌ بۆ ڕووداوه‌که‌ کراوه‌ته‌وه‌ و لێکۆڵینه‌وه‌ش به‌رده‌وامه‌".

 

لە بارەی ڕووداوی دووەم-یشەوە، شۆڕش ئیسماعیل، وتی:"کاتژمێر۱ی شەوی ڕابردوو  لەباخێک لەنزیک  نزیک کلکەی کۆڵێن لە ڕانیە لەکاتی قومارکردن و لەئەنجامی دەمەقاڵی دوو هاوڵاتی و تەقەکردنی هاوڵاتیەک بەناوی (ئـ.ش  ) بە دەمانچە تەقەی لە هاوڵاتی (ئـ.ع.ح ) تەمەن(۳۹)ساڵ دانیشتوی شارۆچکەی کۆیە کردووە.

 

ناوبراو، وتیشی:"فیشەک بەر سکی (ئـ.ع.ح ) کەوتووە و بە برینداریی گەیەندراوەتە نەخۆشخانەی ڕانیە بەمەبەستی چارەسەرکردن، بەڵام لەکاتی چارەسەرکردنی دا بەهۆی سەختی برینەکەیەوە گیانی لەدەستداوە".

 

 وتەبێژی پۆلیسی ڕاپەڕین، ئاشکرایکرد"تۆمەتبار(ئـ.ش)دانیشتووی شارۆچکەی کۆیەیە و لەشوێنی ڕووداوەکە هەڵهاتووە بۆ شوێنێکی نادیار، بەڵام سێ کەسی تر، کە لە شوێنی ڕووداوەکەبوون ڕاگیراون لەبەشی گرتن  گواستنەوەی ڕاپەڕین و لێکۆڵینەوە لەڕووداوەکە بەردەوامە.

 

 

ش.ف



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin