Smiley face
Smiley face
Smiley face

دیدارێک بۆ بونیادنانەوەی کەرتی پەروەردە لەو ناوچانەی بەهۆی بومەلەرزەوە زیانی بەرکەوتووە ئەنجامدرا

2017-11-21 11:49:35



ڕۆژنیوز- ڕۆزە محەمەد

 

لە شاری سلێمانی، دیدارێک بۆ بونیادنانەوەی کەرتی پەروەردە لەو ناوچانەی کە بەهۆی بومەلەرزەوە زیانیان بەرکەوتووە بەڕێوەچوو.

 

پێش نیوەڕۆی ئەمڕۆ، لە بەڕێوەبەرایەتی گشتی پەروەردەی سلێمانی، دیداری بونیادنانەوەی کەرتی پەروەردە لەو ناوچانەی کە بەھۆی بومەلەرزەوە زیانیان بەرکەوتووە لەلایەن بەڕێوەبەرایەتی گشتی پەروەردەی سلێمانی بەڕێوەچوو.

 

دڵشاد عومەر، بەڕێوەبەری گشتی پەروەردەی سلێمانی، لە کۆنگرە ڕۆژنامەنووسیەکەدا وتی: ھەموومان پێکەوە ھەوڵبدەین کە بە خێرایی چارەسەری پرۆسەی پەروەردە بکەین، خوێندنگاکان نۆژەن بکەینەوەن و پرۆسەی پەروەردە بکەوێتە سەر پێی خۆی.

 

دڵشاد عومەر

 

خۆگر خالید، بەرێوەبەری پلاندانان لە بەڕێوەبەرایەتی گشتی پەروەردەی سلێمانی، لە دیدارەکەدا ڕایگەیاند: لە پارێزگای سلێمانی نزیکەی ٢٠٠ خوێندنگا پێویستی بە نۆژەن کردنەوە هەیە، وە ٦٠ خوێندنگا زۆر وێرانە و دەبێت بە زووترین کات نۆژەن بکرێتەوە.

 

 خۆگر خالید

 

شێرکۆ حەمە ئەمین، سەرۆکی لیژنەی پەروەردە لە پەرلەمانی ھەرێمی کوردستان، لە کۆنگرەکەدا وتی: لە ھەموو وڵاتدا ئەرکی حکومەتە کە کەموکورتیەکان چارەسەر بکات و بودجەی پێویستی ھەبێت کە کارەساتێک ڕوویدا بتوانێت چارەسەری بکات.

 

شێرکۆ حەمە ئەمین

 

وتیشی: من بەڵێن دەدەم ھەموو ئەو ڕێگایانەی کە لە بەردەمماندایە بیگرینەبەر چ بۆ لای حکومەت و ڕێکخراوەکان تاوەکو کەرتی پەروەردە نەوەستێت و خوێندنگاکان بکرێنەوە.

 

ئازاد حەمەئەمین، سەرۆکی ئەنجومەنی پارێزگای سلێمانی، لە کۆنگرەکەدا وتی: بارودۆخێ ھاوڵاتیان لە ڕووی دارایی و دەروونیشەوە لە دۆخێکی ناجێگیردایە، ئەم کارەساتەش لەم کاتەدا ڕوویدا، بۆیە دەبێت لەمەودوا هەوڵ بدەین کەرتی پەروەردە بەگەڕ بخرێتەوە، ھەر درزێک بکەوێتە بواری پەروەردەوە ئەوە کەلێنێکی گەورە دەکەوێتە سیاسەت و ژیان و بەڕێوەبردنی وڵات، بۆیە پێویستە ھەموو ھەوڵێک بدرێت بۆ نۆژەنکردنەوەی خوێندنگاکان.

 

ئازاد حەمەئەمین

 

 

ڕ.م



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin