Smiley face
Smiley face
Smiley face

دوو کرێکاری بیانی لەکاتی پاککردنەوەی خەزانێکی نەوت خنکان

2017-11-21 11:34:05



ڕۆژنیوز – ڕۆزە محەمەد

 

دوو کرێکاری بیانی لەکاتی پاک کردنەوەی خەزانی نەوتی ڕەش لە کارگەیەک لە شارەدێی بازیان خنکان.

 

شەوی ڕابردوو، لە کارگەی شیشی سۆپەر ستیلی شارەدێی بازیان-ی سەر بە شاری سلێمانی دوو کرێکاری بیانی خنکان.

 

ئیقبال محەمەد، وتەبێژی پۆلیسی قەزا و ناحیەکانی سلێمانی بە ڕۆژنیوزی ڕاگەیاند: ئەو کرێکارە بیانیانە خەڵکی نیپاڵن و لە کارگەی شیشی سۆپەر ستیلی بازیان لە کاتی پاککردنەوەی خەزانی نەوتی ڕەش خنکاون.

 

ڕاشیگەیاند: تەرمی ئەو دوو کرێکارە گواستراوەتەوە بۆ پزیشکی دادوەریی سلێمانی بە مەبەستی لێکۆڵینەوە، هەروەها بنکەی پۆلیسی بازیان دەستی کردووە بە لێکۆڵینەوە لە ڕووداوەکە.

 

بەڕێوەبەرایەتی پۆلیسی سلێمانیش، لە ڕاگەیەندراوێکدا ڕایدەگەینن:"دوو کرێکارەکە بە ڕەگەز نیپاڵین بە ناوەکانی (جید لال کیسی) لە دایکبوی ۱۹۷۸ ، (خێل بهادور) لە دایکبوی ۱۹۸۸ و  هاوکارێکیشیان بریندار دەبێت و لە ئێستادا لە نەخۆشخانەی ئێمرجنسی سلێمانیە بۆ چارەسەری پزیشکی".

 

ش.ف



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin