Smiley face
Smiley face
Smiley face

گەشتی چەند شاخەوانێک بۆ لوتكە شاخی هەڵگورد لە یەکەمین بەفرباریندا

2017-11-21 09:22:46



ڕۆژنیوز- زۆسك باڵەك

 

چەند شاخەوانێكی گروپی شاخەوانیی هەڵگورد، لە یەکەمین گەشتی وەرزی بەفربارینیاندا گەشتێكی شاخەوانیان بۆ لوتكە شاخی هەڵگورد ئەنجام دا.

 

شاخەوانیی و چیاگەڕان، یەکێکە لەو وەرزشانەی کە لە زۆر وڵاتاندا باوە، لە دەڤەری باڵەکایەتیش گروپێکی شاخەوانی هەیە کە لە چەند گەنجێک پێکهاتووە، لە یەکەمین بەفربارینی ئەمساڵدا گەشتێکی شاخەوانیان بۆ چیای هەڵگورد ئەنجام دا.

 

هەڵگورد عەزیز ئەندامی گروپی شاخەوانی هەڵگورد، بە ئاژانسی ڕۆژنیوزی ڕاگەیاند: گەشتی شاخەوانی لەم وەرزەدا تایبەتمەندی خۆی هەیە، ئەویش لەبەر ئەوەی خۆ ئامادەكردنێكی زۆری پێویستە بە بەراورد لەگەڵ وەرزی هاوین و بەهار، چونکە سەركەوتن لەم وەرزەدا سەختیی زیاترە لەوەرزی تر.

 

ئەوەشی وت، گەشتی ئەمجارەمان لە 18ی ئەم مانگە لە شارۆچكەی چۆمانەوە بە ئۆتۆمبێل دەستی پێكرد بۆ بناری چیایی هەڵگورد هەتا (هەواری شیوە زا)، لەوێشەوە بە چوار كاتژمێر توانیمان بەناو بەفر و لە كەشێكی سارددا سەركەوین و بگەینە لوتكە كە لە هەندێك شوێن، زیاتر لە دوو مەتر بەفر باریووە، ئێوارەی هەمان ڕۆژیش گەڕاینەوە.

 

هەروەها وتیشی: لەم گەشتەماندا، سێ ئەندام بەشداربووین و هەرسێكمان بە سەركەوتوویی گەیشتینە لوتكە، بۆیە لە ڕۆژانی داهاتوودا لەگەڵ كۆمەڵێك شاخەوان و شاخ دۆست بڕیار وایە گەشتی گەورەتر و فراوانتر ئەنجام بدەین.

 

لوتكە چیای هەڵگورد بە بەرزترین لوتكە دادەندرێت لە باشوری كوردستان وعێراق كە بەرزییەكەی 3607م لە ئاستی ڕووی دەریاوە، دەكەوێتە ناوچەی باڵەكایەتی لە سنوری شارۆچكەی چۆمانی سەر بە پارێزگای هەولێر، لە هەرچوار وەرزی ساڵدا شاخەوانان و ئارەزوومەندانی شاخەوانیی لە ناوەو دەرەوەی وڵات بە شاخەكەدا هەڵدەگەڕێن و دەچنە سەر لوتکە شاخەکە.

د.خ

 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin