Smiley face
Smiley face
Smiley face

گەرمیانییەکان: ئۆجالان لەموڵکی حیزب و پارچەیەک دەرچووەو بووەتە موڵکی دونیا

2017-10-21 07:58:30



ڕۆژنیوز ـ هاوڕێ کرێکار

 

گەرمیانییەکان لەسەر گۆشەگیرکردنی ئۆجالان بۆ ڕۆژنیوز دەدوێن و ڕایدەگەیەنن، کە ئۆجالان لە موڵکی پەکەکە و پارچەیەکی کوردستان دەرچووە، ئەو ئێستا موڵکی گەلانی دونیایە.

 

لەسەر دۆخی ئێستای ئۆجالان، مامۆستایە دەڵێت، گرتنی ئۆجالان نەک بچوککردنەوە، بەڵکو پەکەکەشی گەورەکرد، ڕۆژنامەنووسێکیش دەڵێت، دەبێت تورکیا بزانێت، هەر ڕووداوێک بەسەر ئەو سەرکردەدا بێت ناوخۆی ئەو وڵاتە نقوم دەبێت لەکێشە، مامۆستایەکی زانکۆش وتی: بە گەلەکۆمەی سەر ڕێبەر ئاپۆ نەیانتوانی بیری ئاپۆ لەناو ببەن، بەڵگەشمان ئەو هەموو سەرکەوتنانەیە، کە لە هەموو پارچەکانی کوردستان بەدەستی هێناوە.

 

عومەر تینو، مامۆستایەکی دانیشتوی شارۆچکەی کەلار-ە، لەسەر ئەو پرسە دواو وتی:"پێموایە بەگرتن و زیندانیکردنی ڕێبەر ئاپۆ نەک هەر تەنها نەتوانرا گوڕو وزەوو پەکەکە ولاینگرانی کەم بکرێتەوە، بەڵکو پەکەکە زیاتر  بەجۆش و خرۆشتربوو، هاوسۆزی زۆریشی لەلایەن خەلکی تری دونیا بەلای ڕێبەرەکەی شکایەوە".

 

 

عومەر تینو وتیشی: خاڵی گرنگیش هەیە ئەویش ئەوەیە، ئۆجالان زیندان نەیتوانی چۆکی پێ دادا، بەڵکو توانیشی چەندین کتێبی مەزنیش بڵاوبکاتەوەو بیر و ڕێبازەکەشی خزمەتی هەزاران کەس بکات.

 

هەروەها ئەیاد محەمەد-ی ڕۆژنامەنووسیش وتی: زیندانیکردنی ئۆجالان وهێشتنەوەی بەم شێوەیە لەزیندان کێشەکان چارەسەرناکات، چونكە ئێستا ئەو لەموڵکی حیزبێک و پارچەیەکی کوردستان دەرچووەو بووەتە موڵکی دونیا، بەڵکو دەبێت هەوڵ بدرێت لەڕێگەی وڵاتە زلهێزەکان وپەرلەمانی ئەوروپاوە کۆنتاک وپەیوەندی دروستبکرێت و کاربکرێت بۆ ئازدکردنی.

 

 

ئەیاد وتیشی: دەبێت تورکیاش ئەو ڕاستییە بزانێت، هەرڕوداوێک بەسەر ئەو سەرکردەدا بێت ناوخۆی ئەو وڵاتە نقوم دەبێت لەکێشە، چونکە ئۆجالان خۆی لاگرنگ نییە، نزیکەی بیست ساڵە بەپیلانێک دەستگیرکراوە تائێستا خۆی داوای ئازادیی بۆخۆی نەکردووە، تەنانەت لەزیندانیشتدا هەوڵی ئاشتی دەدات.

 

یوسرا ڕەجەب، مامۆستا لە زانکۆی گەرمیان، لەسەر گەلەکۆمەکەی سەر ئۆجالان وتی:"ئەو گەلەکۆمەیەی کرایە سەر ڕێبەر ئاپۆ نەیانتوانی بیری ئاپۆ لەناو ببات، بەڵگەشمان ئەو هەموو سەرکەوتنانەیە، کە لە هەموو پارچەکانی کوردستان بەدەستی هێناوەو گەل شانازی پێوەدەکات، لەگەڵ ئەوەشدا بیری ئۆجالان لە وڵاتانی دەرەوە پەیڕەو دەکرێت، بۆ نموونە بابەتی ژنلۆژی، کە بیری ئاپۆیە لە چەندین زانکۆی جیهانی دەخوێندرێت".

 

 

ئەو مامۆستایەی زانکۆ وتیشی: لە ڕۆژئاوا بیری ئۆجالان پراکتیزە دەکرێت و ژنان هاوشێوەی پیاوان خاوەن بڕیارن، ئەوەتا بیری ئاپۆ لەدوای دەستگیرکردنی نەک قەتیس و زیندانی کراوە، بەڵکو گەشەی کردووەو سەرکەوتنی بەدەست هێناوە، وەڵامێکیشە بۆ ئەوانەی وایان دەزانی بەگرتنی ئاپۆ حەرەکەتی ئاپۆچی سەرکوت دەکرێت.

 

ئەمە لە کاتێکدایە، ماوەیەکە لە هەندێک میدیای تورکیا هەواڵی جۆراوجۆر لەسەر تەندورستی و ئاسایشی ژیانی عەبدوڵا ئۆجالان، ڕێبەری پارتی کرێکارانی کوردستان- پەکەکە، بڵاو دەکرێتەوە، ئەمەش کوردانی ناوخۆو دەرەوەی وڵاتی نیگەران کردووەو بۆ زانینی دۆخی ژیانی، لە کوردستان و ئەوروپا و جیهان، دەیان خۆپیشاندان و چالاکی هەمەجۆریان بەڕێوەبردووەو بەردەوامیشن لە دەربڕینی ناڕەزاییەکان.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin