Smiley face
Smiley face
Smiley face

پەرلەمانتارێکی پارتی و پەرلەمانتارێکی یەکگرتوو دەستلەکار دەکێشنەوە

2017-09-23 11:04:52



ڕۆژنیوز – ڕێزان محەمەد

 

پەرلەمانتارێکی پارتی و پەرلەمانتارێکی یەکگرتوو نامەی دەستلەکارکێشانەوەیان پێشکەش بە پەرلەمان کردووە و لە دانیشتنی پەرلەماندا دەنگ لەسەر نامەکانیان دەدرێت دەدرێت.

 

بڕیارە پێش  نیوەڕۆی ئەمڕۆ، دانیشتنی دووەمی پەرلەمان دوای کاراکردنەوەی بەڕێوەبچێت و یەکێک لە خاڵەکانی کارنامەی دانیشتنەکەش دەنگدانە لەسەر دەستلەکارکێشانەوەی دوو پەرلەمانتار.

 

سەبارەت بە بەشدارییکردنی کۆمەڵی ئیسلامی لەو دانیشتنەدا، شوکریە شێخانی ئەندامی فراکسیۆنی کۆمەڵی ئیسلامی لە پەرلەمانی هەرێمی کوردستان بە ڕۆژنیوزی وت: بەشداریی دانیشتنەکە ناکەین.

 

شوکریە شێخانی

 

لەبارەی هۆکارەکەشەوە، شوکریە وتی:"لەبەرئەوەی بڕیاربوو، کە دانیشتنی ئەمڕۆ تەرخان بکرێت بە تاوتوێ کردنی بژێوی خەڵک، بەڵام بەداخەوە پەرلەمان  دیسان لە بەڵێنەکەی خۆیان لایاندا، هەموارکردنەوەی یاسای تیرۆر و هەموارکردنەوەی یاسای خانوبەرە و دەنگدان لەسەر دەست لەکارکێشانەوەی دوو پەرلەمانتار".

 

شوکریە شێخانی، ناوی ئەو دوو پەرلەمانتارەی ئاشکراکرد و وتی:"یەکێک لەو پەرلەمانتارانە، عومەر کۆچەر، ئەندامی فراکسیۆنی یەکگرتووی ئیسلامی-یە، کە وەک ناڕەزایەتیەک بەرامبەر بە چاکنەکردنی دۆخی خەڵک دەستلەکارکێشانەوەی پیشکەشکردووە و پەرلەمانتارەکەی دیکەش بەیار دۆسکی، ئەندامی فراکسیۆنی پارتی-یە کە ناتوانم هۆکارەکەی ئاشکرا بکەم".

 

ڕۆژنیوز پەیوەندیکرد بە بەیار دۆسکی،یەوە بەڵام ناوبراو، ئامادە نەبوو هۆکاری دەستلەکارکێشانەوەکەی ئاشکرابکات.

 

هەروەها، ڕۆژنیوز پەیوەندی بە عومەر کۆچەر-ەوە کرد، بەڵام  پەیوندییەکە بەردەست نەبوو.

 

دەنگدان لەسەر دەستلەکێشانەوەی عومەر کۆچەر لەکاتێکدایە، کە لە ٣٠/ئازار/٢٠١٧ عومەر کۆچەر، نامەی دەست لە کارکێشانەوەی پێشکەشی پەرلەمان کرد، و تیایدا ئاماژەی بە هۆکاری دەست لەکارکێشانەوەکەی داوە و وتویەتی:"بەهۆی رێکنەکەوتنی لایەنەکان و دەستکارینەنکردنی پاشەکەوتی مووچە"، بەڵام پەرلەمان کارا نەبوو تاوەکو دەنگ لەسەر دەستلەکارکێشانەوەکەی بدرێت.

 

لە لایەکی دیکەوە، فراکسیۆنی بزوتنەوەی ئیسلامی ڕاگەیەندارویکی بڵاوکردووەتەوە و تیایدا ڕایگەیاندووە:"لەبەرئەوەی بەهیچ شێوەیەک باسی پاشەکەوت و ژیان و گوزەرانی خەلک نەکراوە، فراکسیۆنی بزوتنەوەی ئیسلامی بەشداری کۆبوونەوەی ئەمڕۆی پەرلەمان ناکات".

 

هەر بەو هۆکارە هەریەک لە عیزەت سابر و عەباس فەتاح، پەرلەمانتارانی فراکسیۆنی یەکێتی نیستیمانی کوردستان بەشداریی دانیشتنەکە ناکەن.

 

هەتاوەکو ئێستاش بزوتنەوەی گۆڕان بڕیاری نەداوە بەشداریی دانیشتنەکانی پەرلەمان بکات.


ش.ف
 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin