Smiley face
Smiley face
Smiley face

یەبەشە سەبارەت بە شەڕەکەی دوێنێیان لەگەڵ حەشدی شەعبی ڕوونکردنەوەیدا

2017-09-23 10:39:13



ڕۆژنیوز - ناوەندی هەواڵەکان

 

فەرماندەیی یەکینەکانی بەرخۆدانی شەنگال، ڕایگەیاند، کە هێزەکانی حەشدی شەعبی هەوڵیاندا بێنە ناو ناوچەیەکی ژێر کۆنتڕۆڵی ئێمەوە و بەو هۆیەوە شەر ڕوویدا، دەشڵیت: پاش ئەوەی هەر دوولا هێزەکانی خۆیان کۆنتڕۆڵ کردەوە شەڕەکە کۆتایی پێهات.

 

فەرماندەیی یەکینەکانی بەرخۆدانی شەنگال (یەبەشە)، سەبارەت بەو شەڕەی دوێنێ لە شەنگال لەنێوان هێزەکانی یەبەشە و حەشدی شەعبی-دا ڕوویدا ڕوونکردنەوەیەکی بڵاوکردەوە.

 

یەبەشە، ڕایگەیاند:"هێزەکانی یەبەشە و یەژەشە لە ساڵی ٢٠١٤ەوە تێکۆشانیان دژی چەتەکانی داعش دەستپێکرد و بە تێکۆشانی شەهیداکانییانەوە شەنگالیان لە چنگی چەتەکانی داعش ڕزگارکرد، هێزەکانمان لەو ناوچانەی لە ژێر کۆنتڕۆڵیاندایە ئاسایش و ئارامییان پێکهێناوە".

 

لە بەردەوامیدا یەبەشە، ڕایگەیدەگەیەنێت:"لەڕۆژی ٢٢ی ئەیلولدا کاتژمێر ١٠:٣٠ خولەکی سەرلەبەیانی هێزەکانی حەشدی شەعبی لە هێڵی سکنییە و خەیاڵی سەربە شەنگالەوە هەوڵیاندا بەبێ رێگاپێدانی ئاسایشی یەبەشە بێنە ناوچەیەکی ژێر کۆنتڕۆڵی هێزەکانمانەوە، لەو بارەیەوە هێزەکانی یەبەشە حەشدی شەعبییان ئاگادارکردەوە، بەڵام ئەوان گوێیان نەدایە و دەمەقاڵەن ڕوویدا و پاش دەمەقاڵەکەش شەڕێک ڕوویدا، ئەو شەڕە پاش ئەوەی هەر دوو لایەن هێزەکانی خۆیان کۆنتڕۆڵ کرد کۆتایی پێهات".

 

یەبەشە ڕاشیگەیاند:"ئێمە وەک یەبەشە دەڵێین کە نامانەوێت شەڕی لەو جۆرە ڕووبدات، هێزەکانی یەبەشە بێ ئەوەی هەنگاوێک پاشەکشە بکەن هەموو ناوچەکەیان لە چنگی چەتەکانی داعش رزگارکردووە و تا کۆتاییش بەرگری لەو ناوچانە دەکات، ئەو ناوچانە کە بە خوێنی شەهیدەکانمان ڕزگارکراون تا کۆتایی دەپارێزین".

 

لەکۆتاییدا یەبەشە ڕایگەیاند، کە نابێت گەلەکەمان باوەڕ بە هەواڵە درۆکان بکەن و بانگەوازیی خەڵکی شەنگالیش دەکەین کە پشتگیریی تێکۆشانی یەبەشە و یەژەشە بکەن.

 


ش.ف
 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin