Smiley face
Smiley face
Smiley face

هەپەگە کوژران و برینداربوونی ژمارەیەک سەربازی تورکی ڕاگەیاند

2017-09-19 16:33:08



ڕۆژنیوز - ناوەندی هەواڵەکان


ناوەندی ڕاگەیاندنی هێزەکانی پاراستنی گەل- هەپەگە کوژرانی دوو سەربازی تورکی لە بەدلیس ڕاگەیاند و ئەوەشی خستەڕوو کە لە مێردین زەبری قورس لە سوپای تورک دراوە.


ناوەندی ڕاگەیاندنی هەپەگە ئەمڕۆ لەسەر ماڵپەڕی فەرمیی خۆی ڕاگەیەندراوێکی بڵاوکردەوە و وردەکارییەکانی چالاکی گەریلاکان و ئۆپەراسیۆنەکانی سوپای تورکی ڕاگەیاند.


هەپەگە ڕایگەیاند: دوێنێ کاتژمێر ٠٥:٣٠ خولەکی ئێوارە هێزەکانمان لە هەنگاوی شۆڕشگێڕانەی شەهید ئازاد فارقین و شەهید ژیندان ئوزگور لە بەدلیس چالاکییەکیان دژی بارەگای سەربازیی خاپینۆک ئەنجامدا، لەو چالاکییەدا دوو سەربازی تورک کوژران و ژمارەیەکی دیکەش بریندار بوون. پاش ئەو چالاکییە سوپای تورک تا کاتژمێر ٠٩:٣٠ خولەکی شەو ناوچەکەیان تۆپباران کرد.


هەپەگە ئاماژەی بەوەشدا: لە هەنگاوی شۆڕشگێڕانەی شەهید نودەم و شەهید سەردەمدا، ڕۆژی ١٧ی مانگ کاتژمێر ٠٥:٠٠ لە گردێکی دەوروبەری مێردین چالاکییەک دژی تانکێکی دوژمن ئەنجامدرا لەو چالاکییەدا چەند سەربازێکی تورک کوژران و برینداربوون و زەبری قورسیش بەر تانکەکە کەوت.


لە بەردەوامیدا ڕاگەیەندراوە: ئەو ئۆپەراسیۆنەی سوپای تورک لە جیلۆ، و گەڤەر و سیمبل-ی جولەمێرگ دەستیپێکردووە بەردەوامە، دوێنێ کاتژمێر ٠٥:٣٠ خولەکی ئێوارە هێزەکانمان لە دەوروبەری سیمبل چالاکییەکیان دژی یەکینەیەکی سوپا ئەنجامدا، نەزانرا چەند سەرباز کوژران و برینداربوون لە ئەنجامی ئەو چالاکییەدا.


باس لەوەش کراوە: ڕۆژی ١٢ی ئەیلول سوپای تورک لە هێنێی ئامەد و داری هێنێ چەولیک ئۆپەراسیۆنبێکی دەستپێکرد بە بەشدارکردنی چوار هەزار سەرباز، ئەو ئۆپەراسیۆنە تا ڕۆژی ١٥ی ئەویلول بەردەوامبوو و لە ئەنجامدا سوپای تورک پاشەکشەی کرد.


لە کۆتاییدا ڕایگەیاندووە، کە دوێنێ کاتژمێر ١١:٠٠ی نیوەڕۆ سوپای تورک هەرێمەکانی پاراستنی مەدیایان بۆردومان کرد.


ک.ک
 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin