Smiley face
Smiley face
Smiley face

دەوڵەتی تورک ژمارەیەک پەنابەری کوردی ڕادەستی بەرەی نوسرە کرد

2017-09-19 16:00:37



ڕۆژنیوز - ناوەندی هەواڵەکان

 

دەوڵەتی تورک ژمارەیەک پەنابەری کوردی ڕۆژئاوای کوردستان-ی ڕادەستی بەرەی نوسرە کرد و ژیانیان لە مەترسیدایە.

 

ئەمڕۆ، دەوڵەتی تورک ژمارەیەک پەنابەری کوردی ڕۆژئاوای کوردستان، کە لە کامپی دۆزیج-ی سەر بە پارێزگای عوسمانییەی تورکیا دەمانەوە، ڕادەستی بەرەی نوسرە کرد.

 

تورکیا ئەو پەنابەرانەی ناچارکردووە، کە کامپەکە بەجێبێڵن، ئەوەشیان بە خستنە فشار بۆ سەر ئاوارەکان ئەنجامداوە، بۆ نمونە هیچ یارمەتییەکی نەداونەتێ.

 

پەنابەرانی ئەو کامپە دەڵێن، کە لە سەرتاسەری کامپەکەدا تەنیا گەرماوێک هەبوو ئەویش گەرماوی ژنان بوو و پیاوانیش لە کەنار ڕووبار خۆیان دەشۆرد، حکومەت هیچ یارمەتییەکیان نەداونەتێ، بۆیە ناچاربوون کامپەکە بەجێبێڵن.

 

ژمارەیەک لەو پەنابەرانە کە لەلایەن حکومەتی تورکیاوە ناسنامەی پەنابەریان نەدراوەتێ ناچاربوون لە دەرگای سنووری باب ئەلهەوا وە بچنە ناو خاکی سوریاوە کە لە ژێر دەسەڵاتی چەتەکانی بەرەی نوسرەدایە.

 

ئەو پەنابەرانە دەڵێن هەموو چرکە ساتێک ئەگەر و مەترسی ئەوە هەیە کە بکوژرێین یان ئەشکەنجەبدرێیین.

 

 

ش.ف
 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin