Smiley face
Smiley face
Smiley face

جڤاتی نیشتیمانی گۆڕان درێژە بە کۆبوونەوەکانی دەدات

2017-09-14 08:19:38



ڕۆژنیوز – ناوەندی هەواڵەکان

 

جڤاتی نیشتیمانی بزوتنەوەی گۆڕان، ئەمڕۆش درێژە بە کۆبوونەوەکانی دەدات، بۆ گەیشتن بە بڕیاری کۆتایی و وەڵامدانەوەی یەکێتی و پارتی سەبارەت بە بەشدارییکردنیان لە کاراکردنەوەی پەرلەمان.


 
شەوی ڕابردوو، جڤاتی نیشتیمانی بزوتنەوەی گۆڕان بەسەرۆکایەتی عومەر سەید عەلی، رێکخەری گشتی بزوتنەوەکە کۆبووە و بڕیارە ئەمڕۆش کاتژمێر ١١:٠٠ جارێکی دیکە کۆبوونەوە دەستپێبکەنەوە.

 

کۆبونەوەکە بۆ تاوتوێکردنی پرسی کاراکردنەوەی پەرلەمانی هەرێمی کوردستان و وەڵامدانەوەی یەکێتی و پارتی-یە، کە ئایا بەشداریی کاراکردنەوەی پەرلەمان دەبن یاخود نا، پرسی  ڕیفراندۆم و یاسای سەرۆکایەتی هەرێم-یش بابەتی گرنگی کۆبوونەوەکەیە.

 

دوای پیشکەشکردنی واژۆی یاسایی پەرلەمانتاران، بێجگە لە پەرلەمانتارانی کۆمەڵ و گۆڕان، بڕیاربوو ئەمڕۆ پەرلەمانی هەرێمی کوردستان کارابکرێتەوە و یەکەمین کۆبوونەوەی ئەنجام بدات، بەڵام کۆبوونەوەکە دواخرا سبەینێ کاتژمێر ٧ی ئێوارە، بە بەهانەی ئەوەی پێویستە ٤٨ کاتژمێر بەسەر کاتی ئاگادارکردنەوەی پەرلەمان-دا تێببەڕێت بۆ کۆبوونەوە.

 

پەرلەمانی هەریمی کوردستان لە ١٢/تشرینی یەکەمی ٢٠١٥ بە فەرمانی پارتی دیموکراتی کوردستان-عێراق داخرا، لەداوی بڕیاری ئەنجامدانی ڕیفراندۆم لە ٢٥ی ئەیلول، لە مانگی ڕابردووەوە پارتی و یەکێتی بڕیاری کاراکردنەوەی پەرلەمانیان داوە، بەڵام هەتا ئێستا کارانەکراوەتەوە.

 

لە ١٠/ئەم مانگەش جارێکی دیکە یەکێتی و پارتی کۆبوونەوە و بڕیاری کاراکردنەوەی پەرلەمانیان دایەوە، هەمان ڕۆژ لیژنەی باڵای ڕیفراندۆم بە ڕاگەیەنداروی فەرمی ١٤/ئەیلول، واتا ئەمرۆی بۆ کاراکردنەوەی پەرلەمان دەستنیشان کارا، بەڵام ئێوارەی دوێنێ جارێکی دیکە کۆبوونەوەکە دواخرایەوە.

 

هەتا ئامادەکردنی ئەم هەواڵە کۆمەڵی ئیسلامی وز بزوتنەوەی گۆڕان بڕیاریان نەداوە بەشداریی لە کاراکردنەوەی پەرلەمان و دانیشتنەکانی پەرلەمان-دا بکەن.

 

 

ش.ف


 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin