Smiley face
Smiley face
Smiley face

شەنگال، ژنان کاری نانەوایی دەکەن

2017-09-12 11:41:22



ڕۆژنیوز – ئیلهام حاجی

 

له‌ شەنگال پێنج ژن نانەوایەک دەکەنەوە و پێکەوە کاری تێدا دەکەن، یەکێک لەو ژنانەش دەڵێت: ئەم کارە بۆ ئێمە گرنگییەکی زۆری هەیە و لە ڕێگایەوە ئابووری خۆمان سەربەخۆ دەکەین.

 

بۆ به‌ده‌ست هێنانى ئابووریى سه‌ربه‌خۆ له‌ ئێستادا ژنانى باشورى کوردستان تادێت زیاتر ڕو له‌ کارکردن ده‌که‌ن له‌ سه‌رجه‌م بواره‌کان، هه‌ریه‌که‌ به‌ پیشه‌یه‌ک هه‌وڵده‌ده‌ن بژێوى خۆییان دابین بکه‌ن.

 

 

خاتوون خودێدا، ژنێکی شەنگالە و لە نانەواخانەیەکی کردووەتەوە و تییدا کاردەکات، لە لێدوانێکیشدا بۆ ڕۆژنیوز وتى: ماوه‌ى سێ مانگه‌ ئه‌م نانه‌وایه‌مان کردووەته‌وه‌ پێنج ژن کارى تێدا ده‌که‌ین و بژێوى خۆمان له‌سه‌ر ئه‌م کاره‌ دابینده‌که‌ین.

 

خاتوون خودێدا

 

هەرچەندە خاتوون و هاوڕێ ژنەکانی لە کارەکەیاندا زۆر هیلاک دەبن، بەڵام دڵخۆشن بە کارەکەیان و بەم جۆرە باسی کارەکەیان و گرنگییەکەیان بۆ کردین"بەیانیان زوو نانەواکەمان دەکەینەوە و دەست بە کار دەکەین، ڕۆژانە ٥٠٠ نان دەکەین، هیلاکیی خۆی هەیە، بەڵام ئەم کارە بۆ ئێمە گرنگییەکی زۆری هەیە، تایبەت لەناو کۆمەڵگای ئێزدییدا یەکەم جارە ژن کارێکی لەم شێوەیە بگرێتە دەست و ئابووری خۆی سەربەخۆ بکات".  

 

ناوبراو، ئاماژەی بە تێڕوانینی نەرێنی کۆمەڵگا کرد بۆ ژن و وتی: کۆمەڵگا وا لە ژن دەڕوانیت، کە ناتوانێت هەموو کارێک بکات و وادەزانن تەنیا دەتوانێت منداڵ بەخێوبکات، بەڵام ئەگەر دەرفەت لەبەردەم ژناندا بکرێتەوە، ئەوا دەتوانین لە زۆر بواردا کاربکەین.

 

 

خودێدا، داوای لە ژاننی ئێزدیی کرد، کە دەست بە کارکردن بکەن و پیشەنگایەتی کۆمەڵگا بکەن.

 

جێگاى ئاماژه‌یه‌ له‌دواى ڕزگارکردنی شه‌نگال و دامەزراندنی تەڤگەری ئازادی ژنانی ئێزدی(تاژێ)، ژنانی شەنگاگ بە پێشەنگایەتی تاژێ، لە چەندین بوار و پیشەی جۆراوجۆردا دەستیان بە کارکردن کردووە و چیتر لە چوارچێوەی دیواری ماڵەوەدا نامێننەوە.

 

 

ش.ف
 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin