Smiley face
Smiley face
Smiley face

ڕۆژنیوز زانیاری ورد سەبارەت بەو وێنەیە بڵاودەکاتەوە کە دەوترێت دوو میتەکەی تورکن

2017-09-05 14:28:09



ڕۆژنیوز – ناوەندی هەواڵەکان

 

ڕۆژنیوز زانیاریی ورد سەبارەت بەو وێنەیە بڵاودەکاتەوە، کە لە تۆڕە کۆمەڵایەتییەکان و هەندێک ماڵپەڕدا بڵاوبووەتەوە و دەوترێت دوو ئەندامەکەی میتی تورکن.

 

ماوەی دوو ڕۆژە لە تۆڕی کۆمەڵایەتی فەیسبوک و دواتریش لە هەندێک ماڵپەڕ-ی باشوری کوردستان وێنەیەک بڵاوبووەتەوە، کە تیایدا دوو ژنی گەریلا و دوو کەسی دیکە لە بەرامبەریاندا دەردەکەوێت، دەوترێت گوایە ئەو دوو کەسە دوو ئەندامەکەی میتی تورک-ن، کە مانگێک پێش ئێستا لە سنوری پارێزگای سلێمانی لەلایەن پەکەکەوە دەستگیرکران.

 

 

وێنەکە لۆگۆی ئاژانسی هەواڵی فورات (ئەنەفە)ی لەسەرە و ڕۆژنیوز-یش دوای ئەوەی بەدواداچوونی وردی بۆ وێنەکەکرد و بۆی دەرکەوت، کە مێژووی ئەو وێنەیە دەگەڕێتەوە بۆ ٢١/٩/٢٠١٦ و لە هەواڵێکی ئاژانسی فورات-دا لە ٦/١٠/٢٠١٦ بە زمانی تورکی بڵاوەکراوەتەوە و هەر ئەو کاتەش ڤیدیۆکەی بڵاوکراوەتەوە.

 

وەک لە هەواڵەکەی فورات-دا دەردەکەوێت، ئەو دوو کەسەی کە لەبەرامبەر ژنە گەریلاکاندا دانیشتوون دوو ئەفسەری سەربازیی دەوڵەتی تورک-ن بەناوەکانی (ئومێد گجر و مەولود قەهەوەچی) و لەلایەن گەریلاکانەوە لەسەر ڕێگای شاری جۆلەمێرگ و شارۆچکەی چەلێ لە باکوری کوردستان دەستگیرکراون و هەتا ئێستا لای گەریلاکان زیندانیین و ئازاد نەکراون.


جێگای ئاماژەیە، مانگێک پێش ئێستا دوو ئەندامی پلە باڵای میتی تورک، کە بەمەبەستی تیۆرکردنی جەمیل بایک، هاوسەرۆکی کۆماجڤاکێن کوردستان هاتبوونە سلێمانی، لەلایەن تیمێکی پەکەکەوە ئاشکراکران و دەستگیرکران، دوای ئەوەش پەیوەندییەکانی نێوان تورکیا و یەکێتی نیشتیمانی کوردستان تێکچوو، هەر بەو هۆکارەش تورکیا بەهرۆز گەڵاڵی، نوێنەری یەکێتی لە وڵاتەکەی دەرکرد و سنوورداشی کردەوە.

 

لینکی ڤیدیۆی دانپێدانانی دوو ئەفسەرەکە و بانگەوازییان

 

لینکی هەواڵەکەی ئاژانسی هەواڵی فورات

 

 


ش.ف



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin