Smiley face
Smiley face
Smiley face

کۆڵبەرێکی دیکە کوژرا

2017-08-22 09:03:11



ڕۆژنیوز – ناوەندی هەواڵەکان

 

کۆڵبەرێکی دیکەی خەڵکی شاری ماکۆی سەربە پارێزگای ورمێی ڕۆژهەڵاتی کوردستان، بەهۆی دەستڕێژی گولـلەی هێزە سەربازییەکانی سەر سنووری ئێرانەوە کوژرا.

 

وەحید دەوڵەتخا-ی تەمەن ١٧ ساڵ، شەوی یەکشەممە لە گوندی یارمقی سەربە شاری ماکۆ، کە دەکەوێتە سەر سنوورە دەستکردەکانی نێوان ڕۆژهەڵات و باکوری کوردستان، لەلایەن هێزە سەربازییەکانی سەر سنوورەوە کرایە ئامانج و برینداربوو، ناوبراو بەهۆی قورسبوونی برینەکەیەوە دوێنێ لە نەخۆشخانە گیانی لە دەستدا.

 

کۆمەڵەی مافی مرۆڤی کوردستان ئامارێکی بڵاوکردووەتوە و ڕایگەیاندووە، کە لە سەرەتای ساڵی ٢٠١٧وە بۆ ئێستا لە سەر سنوورەکانی ڕۆژهەڵاتی کوردستان ١٥ کۆڵبەر بەهۆی دەستڕێژی گولـلەی هێزە سەربازییەکانی ئێرانەوە کوژراون و ٢٧ی دیکەش برینداربوون.

 

جێگای ئاماژەیە، کە بەرپرسیارێتی قوربانیبوونی ئەو کۆڵبەرانە کە بەهۆی هەژارییەوە ڕوودەکەنە کاری کۆڵبەری ڕاستەوخۆ لە ئەستۆی دەوڵەتی ئێرانە، چونکە حەسەن ڕۆحانی لە پروپاگەندەکانی هەڵبژاردنی ئەم جارەدا بەڵێنی پشتگیریکردنی کۆڵبەرانی دابوو.

 

(وەحید دەوڵەتخا)

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin