Smiley face
Smiley face
Smiley face

 ژنان لە نۆ وڵاتەوە لە کامپی ژنۆلۆژی دەگەنە یەک

2017-08-17 11:19:07



ڕۆژنیوز – ئەڵمانیا

 

ژنان لە نۆ وڵاتی جیاوازەوە لە کامپی ژنۆلۆژی لە وڵاتی ئەڵمانیا دەگەنە یەک و ئەمەش بە هەنگاوێکی دیکە لە کاروباری ژنۆلۆژی (زانستی ژنناسی) دادەنرێت.

 

٤٥ ژن لە ئەندامی ڕێکخراو و کەسایەتی و چالاکوان، لە وڵاتەکانی ئیتالیا، ئەڵمانیا، ئیسپانیا، بەلجیکا، فەرەنسا، هۆڵەندا، سوید، ئینگلتەرا، پورتوگال و ژنانی کوردیش لە ڕۆژانی ١٨ بۆ ٢٣ ئاب لە کامپی ژنۆلۆژی لە ناوەندی ژوانی ژنان ئوتامارا Utamara لە وڵاتی ئەڵمانیا کۆدەبنەوە.

 

پێشنیاری سازکردنی کامپی ژنۆلۆژی لە کۆبونەوەی پەراوێزی "سێیەمین کۆنفرانسی لە دژی مۆدێرنیتەی کاپیتالیزم بونیادنانی مۆدێرنیتەی دیموکراتی" کە لە١٤  و ١٦ نیسانی ٢٠١٧ دا لە زانکۆی هامبۆرگ ئەنجام درا، گەلاڵە کرا و بڕیاری لەسەر درا، وەک هەنگاوێکی دیکە لە کاروباری ژنۆلۆژی (زانستی ژنناسی).

 

لە رۆژی یەکەم دا لەسەر ژنۆلۆژی و رێبازەکانی گفتوگۆیەکی یەک ڕۆژە بەرێوەدەبرێت و بابەت پێشکەش دەکرێت، هەروەها گروپەکانی کار دەربارەی ژنۆلۆژی وتاری خۆیان پێشکەش دەکەن، ڕۆژانی دواتر لەسەر فێمینیزم، تیۆری کۆئیر، سروشتی ژن، ئەتیک-ئەستاتیک گفتوگۆی فراوان بەرێوەدەبرێت، لەسەر ئەزمونەکانی ژنان لەو وڵاتانەی ژنان بەشدارییان کردووە بابەت پێشکەش دەکرێت و بۆچوونەکانیان ئاڵۆگۆڕ دەکەن.

 

 لە ڕۆژی دوایی کامپەکەدا بەرنامەیەکی خەبات دەربارەی گوندی ژنان، دەزگابوونی ژن، پەیوەندی بە کۆمەڵگەوە بەرنامەسازی دەکرێت.

 

بەپێی لێدوانی بەرپرسانی کۆمیتەی ژنۆلۆژی بۆ ڕۆژنیوز، ئامانجی ئەو کامپە ئەوەیە کە گفتوگۆی چڕ لەسەر گروپی خەباتی ژنۆلۆژی بکرێت هەنگاوی کردەیی لەسەر ئاستی نێودەوڵەتیی بنرێت و بناغە بۆ کۆنفرانسی ژنۆلۆژی ئامادە بکات، هەروەها بۆ گەیاندنە یەکی وزە و ئەزمونەکانی ژنان لە جوگرافیای جیاواز و  مۆدێلی جێگرەوە گرنگە.

 

کۆمیتەیەکە ڕایگەیاند، کە کاروباری کامپەکە لەو سیمینیار و کۆنفرانسانە جیاواز نییە کە لە پاریس، کۆڵه‌ و سوێد ئەنجام دران، بەو کۆبونەوە، پەروەردە و گفتوگۆیانەی کە دوو ساڵە بەردەوامە، رێنمایی خەباتی دیاری کردووە و بۆ کامپەکە.

 

 

ش.ف



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin