Smiley face
Smiley face
Smiley face

لە سەیدسادق تەرمی ژنێک دەدۆزرێتەوە

2017-08-12 10:42:41



ڕۆژنیوز - هاوکار مستەفا

 

لە شارۆچکەی سەید سادق تەرمی ژنێک لە ماڵەکەی خۆیدا دۆزرایەوە، پۆلیس-یش دەڵێت گومان دەکرێت بۆ دزینی پارە و ئاڵتونەکانی کوژرابێت.

 

شەوی ڕابردوو، کاتژمێر ١٠:٣٠ خولەک لە شارۆچکەی سەیدسادق-ی سەر بە پارێزگای سلێمانی، تەرمی ژنێکی تەمەن ٨٠ ساڵ، بە تەنیا دەژیا، لە ماڵەکەی خۆیدا دۆزریەوە.

 

ملازم سەلام ئەحمەد، ئەفسەری لێکۆڵەر لە بەشی پۆلیسی شارۆچکەی سەیدسادق، بە ڕۆژنیوزی وت: دوای پێدانی زانیاریی لەیەن چەند هاوڵاتییەکەوە هێزەکانمان لە ماڵەکەی خۆیدا تەرمی ژنێکیان دۆزیەوە، کە بە چەقۆ دەستەکانی کونیان تێکرابوو، گوماندەکرێت کوژرا بێت.

 

سەلام ئەحمەد، وتیشی: گومان دەکەین، کەبۆ دزییکردن ئەو تاوانە  ئەنجام دابێت، چونکە لە کاتی گەڕانمان بەناو ماڵەکەدا بینیمان کە سەرجەم کەلوپەل و ناوماڵی ئەو ژنە تێکدرابوو، وا دەردەکەوێت، کە بەدوای پارە و ئاڵتوندا گەڕابێتن و بە وتەی چەند شایەتحاڵکیش ئەو ژنە بڕێک ئاڵتونی هەبووە بردوویانە بەڵام نازاندرێت چەندبووە.

 

ئەو بەرپرسەی پۆلیسی شارۆچکەی سەیدسادق وتیشی:"پەڕوای لێکۆڵینەوەمان بۆ ڕووداوەکە کردووەتەوە تەرمەکەشمان ڕەوانەی پزیشکی دادی سلێمانی کردووە".

 

هەروەها، حەیدەر حەسەن، بەڕێوەبەری کارگێڕی لە نەخۆشخانەی گشتی شەهید شەوکەتی حاجی مشیر لە شارۆچکەی سەیدسادق بەڕۆژنیوی وت: ئەو ژنە ناوی(خاوەر شەریف)ە و تەمەنی ٦٥ ساڵە، کاتێک تەرمەکەی هێندرایە نەخۆشخانەکەمان هەڵئاوسابوو، تا ڕادەیەکیش تێکچووبوو، بۆیە گومان دەکرێت، کە ڕۆژێک پێشتر گیانی لەدەستدابێت.

 

حەیدەر حەسەن

 

حەیدەر، وتیشی: بەهۆی ئەوەی ئێمە پزیشکی دادوەریمان نییە، ناتونین قسە لەسەر هۆکار و چۆنیەتی گیان لەدەستدانی بکەین، بۆیە لای خۆمانەوە هەندێک رێکاریی یاسامان بۆ ئەنجامدا و تەرمەکەیمان ڕەوانەی پزیشکی دادی سلێمانی کرد.

 

جێگای ئاماژەیە، تەنها لە هەفتەی ڕابردوودا پۆلیسی شارۆچکەی سەیدسادق توانیویانە هەشت کەس بە تۆمەتی دزیکردن دەستگیر بکەن و سەرجەمیشیان لەبەردەم دادوەر دانیان بە تاوانەکانیاندا ناوە.


بەپێی ئامارێکی دەستەی سەربەخۆی مافی مرۆڤ، لە ٢/تەموز هەتا ٢/ئاب،  ٣٦ حاڵەتی کوشتن و خۆکوشتن-یان لە باشوری کوردستان تۆمارکردووە، بە بەراورد بە ئاماری پێشووش ئامارەکە زیادی کردووە.
 

 

 

ش.ف



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin