Smiley face
Smiley face
Smiley face

تەرمى گەنجێک لەناو ڕووباری سیروان دۆزرایەوە 

2017-07-17 14:53:57



ڕۆژنیوز ـ هاوڕێ کرێکار 

 

لە سنوری شارەدێی مەیدان، تەرمى گەنجێک لەناو ڕووباری سیروان-دا دۆزرایەوە.

 

نیوەڕۆی ئەمڕۆ لە سنوری شارەدێی مەیدان-ی سەر بە شارۆچکەی خانەقین لە پارێزگای دیالە، تەرمێک لەنێو ڕووباری سیروان بە خنکاوى دۆزرایەوە.

 

ڕائید کەیوان ئەحمەد، لێپسراوی بەرگری شارستانى دەربەندیخان بە ڕۆژنیوزى وت: بەهۆی زۆر مانەوەی لەژێر ئاوەکەدا و ئاوسانی دەمووچاوی، تەرمی گەنجەکە بەباشی نەدەناسرایەوە، بۆیە بۆ ناسینەوەى ڕەوانەى پزیشکى دادوەریی دەربەندیخان کرا، بۆ دڵنیای زیاتریش ڕەوانەى پزیشکى دادوەریی سلێمانى کرا.

 

لێپسراوی بەرگری شارستانى دەربەندیخان، وتیشی: ١٧ ڕۆژ بەر لە ئێستا گەنجێکى دانیشتوى شارۆچکەى دەربەندیخان بەناوى فریاد محەمەد، تەمەن ٢٣ ساڵ،  لەماڵ دەرچووە و نەگەڕاوەتەوە، کەسوکاری ئەو گەنجە، دەڵێن "ئەم تەرمە تەرمی کوڕەکەى ئیێمەیە و دەیناسینەوە"، بەڵام هێشتا بە تەواوەتی پشتراست نەکراوەتەوە، کە ئایا تەرمی فریاد-ە یان نا. 

 

جێگای ئاماژەیە لەماوەی سێ ڕۆژدا ئەمە پێنجەمین حاڵەتی ڕوودانی خنکانە، کە تۆماردەکرێت، ڕۆژی ١٥/ئەم مانگە لە ڕووباری سیروان لە شارەدێی باوەنوری ئیدارەی گەرمیان تەرمێک و لە بەنداوی دێگەڵە-ی سەربە شارۆچکەی کۆیە تەرمێکی دیکە دۆزرانەوە، هەروەها دوێنێ-ش وو ئامۆزا به‌ ناوه‌کانی عومەر عەبدولمەناف تەمەن (۲۰) ساڵ و جیهاد نەسرەدین، تەمەن (۱۹) ساڵ، له‌ ڕووباری که‌ڵه‌ک له‌ لە پارێزگای هەولێر خنکان.

 

فریاد محەمەد


ش.ف



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin