Smiley face
Smiley face
Smiley face

فەرماندەیەکی یەژەشە: بۆ ڕزگارکردنی ژنانی بەدیلگیراوی ئێزدی لە ڕەقەین

2017-07-17 13:32:31



ڕۆژنیوز - ڕۆدا ڕۆژبین

 

دەنیز داغ، فەرماندەیەکی یەکینەکانی ژنانی شەنگال (یەژەشە)، کە ئێستا لە ڕەقەیە و لە ئۆپەراسیۆنی ڕزگارکردنی ڕەقەدا بەشدارە، دەڵێت: بۆ ڕزگارکردنی ژنانی ئێزدی لە ڕەقەین و هەتا هەموو ژنانی ئێزدی ڕزگارنەکەین ژیانمان لێ حەرامە.

 

گروپێکی شەڕڤانانی یەکینەکانی ژنانی شەنگال (یەژەشە)، لە سەرەتای دەستپێکردنی جەنگی گەورە بۆ رزگارکردنی ڕەقە چوونەتە ڕەقە بۆ رزگارکردنی ژنانی ئێزدی لە چنگی چەتەکانی داعش.

 

دەنیز داغ، فەرماندەیەکی یەژەشە و بە ڕۆژنیوزی وت: ئێمە بە جۆش و ورەیەکی گەورەوە بەشداری ئۆپەراسیۆنی ڕزگارکردنی ڕەقە بووین و هەوڵدەدەین ئەرکمان لەم ئۆپەراسیۆنەدا بە باشی بەجێبێنین.

 

دەنیز، داغ، وتیشی:"پێش فەرمانەکەی ساڵی ٢٠١٤ هیچ هێزێکمان نەبوو بۆ بەرگریی لە خۆمان، بەڵام پاش فەرمانەکە یەژەشەمان دامەزراند و خۆمان ڕێکخست و خۆمان پەروەردەکرد، ئێستاش بە هەموو ورە و هێزمانەوە هاتووین تا ڕەقە بۆ ئەوەی دژی چەتەکان شەڕ بکەین ژنانی بەدلیگیراوی ئێزدی ڕزگاربکەین".

 

دەنیز داغ بەم شێوەیە بەردەوامی بە قسەکانیدا:"ژنانی ئێزدی بەدیلگیراو لەلایەن چەتەکانەوە ئێستا چاوەڕێی ئێمەن، لێرەوە پێیان ڕادەگەیەنم، کە ئێمە لە لاتانین، باش دەزانین تەنیا هیواتان بە ئێمەیە، ئامانجمان لە بەشداری لەم ئۆپەراسیۆنەدا ڕزگاری هەموو ژنانی ئێزدییە".

 

ئەو ژنەفەرماندەیەیەی یەژەشە باسی لەوەشکرد:"شەش هەزار ژنی ئێزدی لە لایەن چەتەکانی داعشەوە بە دیل گیران، ئەو ژنانە بازرگانیان پێکرا و لە بازاڕەکانی ڕەقە و موسڵ فرۆشران، ژمارەیەک لەو ژنانەی، کە ئەوکاتە بەدیلگیران، دوای ڕزگارکردنیان ئێستا لە سەنگەرەکاندا لەگەڵمان دژی چەتەکان تێدەکۆشن".

 

دەنیز داغ، لە کۆتایی قسەکانیدا وتی:"تا کاتێک یەک ژنی ئێزدی لە چنگی چەتەکانی دا داعشدا مابێت ئێمە بەردەوام دەبین لە تێکۆشان، تا ئەو کاتەش ژیانمان لێ حەرامە، پێویستە ئەو ژنانە ئازادکەین و بگەڕێیینەوە بۆ شەنگال بۆ پێکهێنانی ژیانێکی دیموکراتی و ئازاد لە ئێزدخان".

 

جەنگی گەورە بۆ ڕزگارکردنی ڕەقە لە ڕۆژی ٦/مانگی ڕابردووەوە دەستیپێکردووە.

 


ش.ف
 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin