Smiley face
Smiley face
Smiley face

دایکانی شەهیدان پەیامی خۆیان گەیاندە کۆبوونەوەی ڕاوێژی یەکێتی نەتەوەیی

2017-07-16 14:41:20



ڕۆژنیوز – سلێمانی

 

لە کۆبوونەوەی ڕاوێژی یەکێتی نەتەوەیی کوردستان لە شاری سلێمای ژمارەیەک لە دایکانی شەهیدان پەیامی خۆیان گەیاندە ئامادەبوان.
کۆبوونەوەی ڕاوێژی یەکێتی نەتەوەیی کوردستان لە هۆڵی تەلاری هونەر لە شاری سلێمانی لە ڕۆژی دووەمیدا بەردەوامیی هەیە.

 

شازییە ئیبراهیم، ئەندامی ئەنجومەنی خێزانی شەهیدانی عەفرین وتارێکی پێشکەشکرد و وتی:"گرنگ نییە تورکیا هێرش دەکاتە سەرمان یان هەر هێزێکی دیکە، با باش بزانن، عەفرین لە ئامادەکارییەکی گەورەدایە، گەلی عەفرین بەرخۆدان دەکات بە پیر و منداڵ و ژن و پیاو و گەنجەوە، کاتێکیش دەڵێین عەفرین مەبەستمان هەر چوار پارچەی کوردستانە و هێرش بۆسەر عەفرین واتە هێرش بۆسەر هەر چوار پارچە".

 

 

شازییە، وتیشی:"داوا لە گەلی کورد دەکەین، کە ببنە بازنەی پاراستنی گەلی کورد لە عەفرین، دایکی کورد ئامادەیە بێ ڕۆڵە بمێنێتەوە، بەڵام ئامادە نییە بێ خاک بمێنێتەوە و کۆیلایەتیی قبوڵ ناکات".

 

هەروەها، مروەت دەمیر، لەسەر ناوی کۆمەڵەی دایکانی شەهیدان لە باکوری کوردستان قسەیکرد و وتی:"ڕۆڵەکانمان لە هەر چوار پارچەی کوردستان لە شەڕدان، بۆچی ڕۆڵەکانمان لە بەرەکانی شەڕ یەک دەگرن، بەڵام ئێمە لە دەرەوەی بەرەکانی شەڕ ناتوانین یەک بگرین؟، پێویستە مێشک و دڵمان ببنە یەک، کاتی سەرکەوتنە، کاتی گەڕانەوە نییە بۆ دواوە".

 


ئامینە ئوزبەک، نوێنەری دایکانی ئاشتی، لە وتارێکیدا وتی:"ئێمە شەڕمان ناوێت، ئێمە یەکسانی و یەکێتی و سەرکەوتنمان دەوێت، تەنیا بەم شێوەیە دەتوانین ڕۆحی شەهیدەکانمان شادبکەین".

 

 

ئامینە، وتیشی:"ئێمەی دایک ئازار دەچێژین، وەرن با ڕژانی خوێنەکان بوەستێنین، ئێمەی کورد ژێردەستین، دوژمن ماڵمان وێران دەکات و هێرش دەکاتە سەرمان، بانگەوازیی لە حزبەکانی هەر چوار پارچەی کوردستان دەکەم، لە بەرژەوەندی خەڵکی کورد هەنگاو بنێین".

 

کۆبوونەوەی ڕاوێژی یەکێتی نەتەوەیی کوردستان لە شاری سلێمانی دوێنێ دەستیپێکردووە و  ئەمڕۆ لە ڕۆژی دووەمیدا بەردەوامیی هەیە.

 


ش.ف



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin