Smiley face
Smiley face
Smiley face

ئەردۆغان: لە ئەڵمانیا ڕێگری زۆرم لێکرا و نەیانهێشت بە تەلەفۆنیش قسەبکەم

2017-07-09 15:39:15



ڕۆژنیوز - ناوەندی هەواڵەکان

 

پاش دانیشتنەکانی جی-٢٠ ئەردۆغان لە ئەڵمانیا دەرکرا، ڕێگا نەدرا بە ئەردۆغان کە پاش دانیشتنەکان لە هیچ چالاکییەکدا بەشداربێت، لە ناڕەزایەتییەکیشدا ئەردۆغان وتی: ڕێگایان پێنەدام بچمە بۆ هیچ کوێ، تەنانەت نەیانهێشت بە تەلەفۆنیش قسەبکەم.

 

پێش چوونی ئەردۆغان بۆ هامبورگ و بەشداریکردنی لە دانیستنەکانی جی-٢٠ دا، ئاڵۆزییەکانی نێوان تورکیا و ئەڵمانیا جارێکی دیکە هاتنەوە ڕوو، پاش دانیشتنەکانیش ئەم ئاڵۆایانە بەردەوام بوون و تەنانەت قووڵتریش بوونەوە.

 

لە کاتی دانیشتنەکانی جی-٢٠دا، تەنانەت ڕێگا بە ئەردۆغان نەدرا کە سەردانی باڵیۆزخانەی تورکیا بکات لە ئەڵمانیاو جگە لە هۆتێل و شوێنی دانیشتنەکان هیچ شوێنێکی دیکە نەچووە، هەروەها پێش گەڕانەوەی بۆ تورکیا لە کۆنگرەیەکی ڕۆژنامەنووسیدا ناڕەزایی دەربڕی بەرامبەر بە کردەوەکانی حکومەتی ئەڵمانیاو وتی: ڕێگایان پێنەدام بچمە بۆ هیچ کوێ، تەنانەت نەیانهێشت بە تەلەفۆنیش قسەبکەم.

 

هەروەها پاش دانیشتنەکان هەموو سەرکانی بەشداربوو لە دانیشتنەکاندا بەشداری مەراسیمی وێنەگرتن بوون، بەڵام ئەردۆغان و هاوژینەکەی بەشدارییان پێنەکرا لەو مەراسیمەدا و گەڕانەوە بۆ تورکیا.

 

لە کۆنگرەیەکی ڕۆژنامەنووسیدا مێرکل ڕایگەیاندبووە، کە پەیوەندییەکانمان لەگەڵ تورکیا تووشی ئاڵۆزی بووەو چیدی ناتوانین ئەمە بشارینەوە.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin