Smiley face
Smiley face
Smiley face

عەگید شەنگالی: پارتی چەکی دایە داعش

2017-07-01 13:08:09



ڕۆژنیوز - شەنگال

 

عەگید شەنگالی کە ماوەیەکی زۆر پێشمەرگەی پارتی بووە، دەڵێت، کە من زۆر خیانەتی پارتیم بە چاوی خۆم بینیوە، بە چاوی خۆم بینیم پارتی چەک و کەرەستەی سەربازی ڕادەستی داعش کرد.

 

عەگید شەنگالی، پێشمەرگەی پێشووی پارتی و شەڕڤانی ئێستای یەکینەکانی بەرخۆدانی شەنگال- یەبەشە، قسەی بۆ ئاژانسەکەمان کرد و باسی لە هۆکارەکانی هاتنە دەرەوەی لە پارتی و بەشداربوونی لە ناو ڕیزەکانی یەبەشەدا کرد.

 

عەگید شەنگالی بە ڕۆژنیوزی وت:"ڕۆژێک ژمارەیەک چەک و ئۆتۆمبێل گەیشتە دەستی چەتەکانی داعش، کە پارتی بۆی ناردبوون، من پێم دەوتن ئەوەی ئێوە دەیکەن خیانەتەو چۆن دەتوانن چاو لە دژایەتی گەلەکەتان دابخەن، ئەوان دەیانوت هیچ مەڵێ و ئەم شتانە پەیوەندیان بە تۆوە نییە، دەیانوت، ئەگەر دەنگتان نەبڕن زمانتان دەبڕین، بۆیەش پێم قبوڵ نەکرا، جلی پێشمەرگەکانی پارتیم داناو چووم بۆ سنوون".

 

عەگید وتی:"لە سنوون لەلایەن ئاسایشی پارتییەوە دەستگیرکرام و لێکۆڵینەوەم لەگەڵکرا، پاشان خۆم لە چنگیان ڕزگارکردو ڕامکرد بەرەو چیای شەنگال، ماوەی حەوت هەشت ڕۆژێک لە چیای شەنگال لە ناو ئەشکەوتدا ژیام، دەترسام و نیگەران بووم، ئەوان کە وا بە ئاسانی خیانەتیان پێ قبوڵ دەکرێت، بمکوژن".

 

ناوبراو دەشڵێت:"بە خۆمم وت ناکرێت ڕێگا بدەین دۆخەکە بەم شێوەیە بەردەوام بێت، چوومە گوندی کەرسێ، لەوێ بەشداری ڕیزەکانی یەکینەکانی بەرخۆدانی شەنگال- یەبەشە بووم، ئێستاش لێرەم و تازە تێگەیشتووم واتای ژیان چییە، مرۆڤ تا پاک و خاوێنییەک نەبینێت تێناگات تا چ ئاستێک لەناو پیساییدا ڕۆچووە، پێویستە خەڵکی ئێزدی وەکو بازنەیەک لە دەوری یەبەشە کۆببنەوەو یەکڕیزبن، بەمشێوەیە دەتوانن بەرگری لە خۆیان بکەن، هیچ جیاوازییەک لە نێوان پارتی و حەشدی شەعبیدا نییە بۆ خەڵکی ئێزدی".

 

وتیشی:"لە هیچ شوێنێک هەڤاڵێتی و دۆستایەتی تا ئەم ڕادەیەم نەبینیوە کە لەناو یەبەشەدا دەیبینم، خەڵک بێننە بەر چاوی خۆیان، کە کاتێک فەرمان بەسەر خەڵک هات و کۆمەڵکوژکران و ڕفێندران، ئەو هێزانەی ئێستا بانگەشەی بەرگری دەکەن لێیان لە کوێ بوون؟، ئەوان خیانەتیان کردو ئێشتاش بۆ پێنج دینار دیسان خیانەت دەکەوە، لە بەرامبەر ئەو هەموو خیانەتەدا پێویستە بۆ بەرگری لە شەرەفمان بەشداری ڕیزەکانی یەبەشە بین".

 

عەگید شەنگالی لە کۆتایی قسەکانیدا وتی:"لە یەبەشەدا خۆم بە هزرو بیری ڕێبەر ئاپۆ پەروەردە کرد، هەم لە بواری سەربازی و هەم لە بواری ئایدیۆلۆژییەوە پەروەردەم بینیوەو سەرچاوەی هزری ڕاستەقینەم دۆزیوەتەوە، ئێستاش لە سەر ئەم بڕیارەین، کە تا کۆتایی دژی دوژمن تێبکۆشین، پێشمانوایە هەبوونی پەکەکە لە شەنگال بە واتای ئاسایشی ئێزدخانە".

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin