Smiley face
Smiley face
Smiley face

پارتی کۆماری بۆ پێشەوە زۆرینەی کورسییەکانی پەرلەمانی فەرەنسای بەدەستهێنا

2017-06-19 12:20:44



ڕۆژنیوز - ناوەندی هەواڵەکان

 

پارتی 'کۆماری بۆ پێشەوە' بە سەرۆکایەتی ئەمانوێل ماکرۆن، زۆرینەی کورسییەکانی پەرلەمانی نەتەوەیی فەرەنسای بەدەستهێنا.

 

حزبی کۆماری بۆ پێشەوە بە دەستهێنانی ٣٠٨ کورسی لە کۆی ٥٧٧ کورسی پەرلەمانی نەتەوەیی فەرەنسا لە هەڵبژاردنی پەرلەماندا سەرکەوت و زۆرینەی کورسییەکانی بە دەستهێنا.

 

لە فەرەنسا ٤٧ ملیۆن کەس دەتوانن دەنگ بدەن، کە لە سەرلەبەیانی دوێنێوە ٦٧ هەزار بنکەی دەنگدان بەرەو ئەو هاوڵاتیانە کرانەوە.

 

لە ئەنجامی هەڵبژاردنەکەدا، حزبی کۆماری بۆ پێشەوە بە سەرۆکایەتی ئەمانوێل ماکرۆن ٤٣%ی کۆی کورسییەکان واتە ٣٠٨ کورسی بەدەستهێنا و لە هەڵبژاردنەکەدا سەرکەوت.

 

لەلایەکی دیکەوە ئەگەرچی حزبی ماریەن لۆپەن لە هەڵبژاردنەکەدا سەرنەکەوت، بەڵام لۆپەن خۆی بۆ یەکەم جار وەکو پەرلەمانتار هەڵبژێردرا.

 

پارتی 'کۆماری بۆ پێشەوە' نزیکەی ساڵێک پێش ئێستا لەلایەن ئەمانوێل ماکرۆنەوە دامەزرا، زۆربەی کاندیدەکانی ئەو حزبە کەسانی کەم ئەزموونن لە بواری سیاسەتدا و هەموو چین و توێژەکانی کۆمەڵگاش دەگرنەوە.

 

ڕێژەی بەشداربوون لە خولی یەکەمی هەڵبژاردنی پەرلەمانی نەتەوەیی فەرەنسا ٤٨% بوو، بەڵام لە خولی دووەمدا ئەو ڕێژەیە بۆ ٥٧% زیادی کرد.

 

جێگای ئاماژەیە، کە ئەمانوێل ماکرۆن لە هەڵبژاردنی سەرۆک کۆماریدا کە مانگێک پێش ئێستا بەڕێوەچوو، وەکو سەرۆک کۆمار هەڵبژێڕدرا و لە تەمەنی ٣٩ ساڵی دا بووە گەنجترین سەرۆک کۆماری مێژووی فەرەنسا.

د.خ



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin