Smiley face
Smiley face
Smiley face

٣٦ ساڵ سزای زیندان بەسەر منداڵانی سووری ئامەددا سەپێندرا

2017-06-19 12:01:46



ڕۆژنیوز - ناوەندی هەواڵەکان

 

دادگای تورک سزای ٣٦ ساڵ زیندانی بە سەر منداڵانی سووری ئامەددا سەپاندو ساچمەی ناو جەستەی ئەوە منداڵانەی بە بەڵگەی تاوانی ئەو منداڵانە لەقەڵمدا.

 

دادگای تورک سزای ٣٦ ساڵ زیندانی بەسەر ١١ منداڵی خەڵکی سووری ئامەددا سەپاند، کە لە کاتی هێرش و گەمارۆی سوپای تورک بۆ سەر سوور لە ٢٦ی ١١ی ٢٠١٥ەوە بۆ ٣ی ئازاری ٢٠١٦ بەردەوامی هەبوو، گیریان کردبوو.

 

ئەوە لە کاتێکدایە، کە دادوەری تورک لە یەکەم دانیشتنی دادگادا بڕیاری ئازادکردنی ئەو منداڵانەی دەرکردبوو، بەڵام پاشان داواکاری گشتی داوای دانیشتنێکی دیکەی کردبوو بۆ دادگاییکردنی ئەو منداڵانە و دووبارە دادگا بەڕێوەچووەوە.

 

پارێزەرانی ئەو منداڵانە دەڵێن، کە فشار خراوەتە سەر منداڵەکان و ئەشکەنجەدراون بۆ ئەوەی دان بە تۆمەتگەکلێکدا بنێن کە ئەنجامیان نەداوە.

 

سەرنجڕاکێش ئەوەیە، کە دادگای تورک ساچمەکانی ناو جەستەی ئەو منداڵانەی بە بەڵگەی تاوان لە قەڵمداوە، ئەو ساچمانەی کە لەلایەن سەربازانی سوپای تورکەوە لە جەستەی ئەو منداڵانە کەتووە و برینداری کردوون.

 

لە ئەنجامدا، دادگای تورک بە تۆمەتی ئەندامبوونی ڕێکخستنی قەدەغە سزای ٣٦ ساڵ و هەشت مانگ و ٢٠ رۆژ زیندانی بە سەر ئەو ١١ منداڵەدا سەپاند.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin