Smiley face
Smiley face
Smiley face

تاک: شارە گەورەکانی تورکیا دەکەینە مەیدانی شەڕ و هۆشداریش دەدەینە گەشتیاران

2017-06-06 14:02:28



ڕۆژنیوز - ناوەندی هەواڵەکان

 

هەڵۆکانی ئازادی کوردستان- تاک، بە بڵاوکردنەوەی ڕاگەیەندراوێک بەرنامەکانی بۆ داهاتووییەکی نزیک خستە ڕوو و ڕایگەیاند، کە لە دەهاتوویەکی نزیکدا هەموو شارە کگەورەکانی تورکیا دەکەنە مەیدانی شەڕو هۆشداریشی دایە گەشتیاران.

 

هەڵۆکانی ئازادی کوردستان- تاک ئەمڕۆ لە ماڵپەڕی فەرمی خۆیادا ڕاگەیەندراوێکیان بڵاوکردەوە دەربارەی ئەوەی کە فۆرمی چالاکییەکانیان بە شێوەیەکی مێژوویی دەگۆڕن.

 

تاک ڕایگەیاند:"هەموو ئەو کەسانەی کە تورکیا بۆ گەشتیاری بە وڵاتێکی ئارام و ئەمن دەزانن، هۆشیاردەکەینەوە، کە هەموو شوێنە گەشتیارییەکانی تورکیا بۆ ئێمە مەیدانی شەڕن و چالاکییەکانمان لەو ناوچانە بەرفراوانتردەکەینەوە".

 

تاک ڕاشیگەیاندووە:"دەوڵەتی فاشیستی تورک پێیوایە بە زیادکردنی هێرشەکانی دەتوانێت فشارەکانی سەر خۆی کەم بکات و لایانببات، بێگومان کۆتایی ئەو خەلافەتەی حکومەتی تورک نزیکەو نە سیاسەتە قێزەونە نێودەوڵەتییەکان، نە هاوکاری چەتەکان و خاینەکان ناتوانن ڕێگری لەوە بکەن".

 

لە بەشێکی دیکەی ڕاگەیەندراوەکەی تاکدا هاتووە:"پێویستە هەموو جیهان بزانێت کە کۆماری تورکیا دوژمنی ئێمەیە، لە کوردستان دژی گەلەکەمان شەڕ بەڕێوەدەبات و ئێمەش لە بەرامبەردا ستراتژیی تۆڵەسەندنەوەو چالاکیمان گرتووەتە بەر".

 

تاک ئاماژەی بەوەشداوە:"بڕیاری شەڕ دراوەو سوپای فیداییمان بۆ شەڕ دامەزراندووە، ناوی ئەو سوپایە هەڵۆکانی ئازادی کوردستانە، ئەو سوپای گورزی زۆر کوشندەی لە کۆماری تورکیا داوە، لە کاتێکدا هێشتا لە دەستپێکی کارەکەمانداین".

 

تاک بەمشێوەیە کۆتایی بە ڕاگەیەندراوەکەی هێناوە:"بە باوەڕێکی گەورەوە بۆ گەیشتن بە کوردستان و سەرۆکێکی ئازاد، ئێمەی هەڵۆکانی ئازادی کوردستان هەموو توانا و هەبوونمان تۆڵەسەندنەوە لە کردەوەکانی فاشیزم دەخەینە گەڕ، لە سەر ئەم بنەمایەش داوا لە کچان و کوڕانی قارەمانی کورد دەکەین کە لەم شەڕە قورسەی دژی فاشیزمدا بەشدارببن وئەرکیان بەجێبێنن".

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin