Smiley face
Smiley face
Smiley face

بەشداربوون لە سوپای تورکیایان رەت کردەوە و هاتنە ناو ریزەکانی گەریلا

2017-05-28 11:11:19



رۆژنیوز - ناوەندی هەواڵەکان

 

چەندین گەنج واز لە ریزەکانی سوپای تورک دەهێنن و بەشداری ریزەکانی گەریلا دەبن.

 

چەندین ساڵە سوپای تورک شەڕێکی قێزەون لە دژی گەلی کورد و دیموکراسی لە باکووری کوردستان بەڕێوەدەبات.

 

ژمارەی ئەو گەنجانەی کە سیاسەتی فاشیستییانەی ئاکەپە رەت دەکەنەوە و واز لە ریزەکانی سوپای تورک دەهێنن و بەشداری ریزەکانی گەریلا دەبن، تا دێ بەرەو زیادبوون دەچێت، دوو گەریلا کە پێشتر ریزەکانی سوپای تورکیان بەجێ هێشتوە لەگەڵ ئاژانسی هەواڵنێریی فورات نیوز باسیان هۆکارەکانی بەجێهێشتنی رێزەکانی سوپای تورک و بەشداربوونیان لە ریزەکانی گەریلا کردوە.

 

فیداکار دیادن، ئێستا گەریلای هێزەکانی پاراستنی گەلە و لە سالی ٢٠١٥ لە ئاگری بەشداری ریزەکانی گەریلا بووە، کاتێک کە بۆ سەربازی بانگ دەکرێت دەچێت بەشداری سوپای تورک دەبێت و پاشان بڕیاری خۆی دەگۆڕێت و لە جیاتی سوپای تورک، بەشداری ریزەکانی گەریلا دەبێت.

 

 

دیادن بەمشێوەیە باسی بەشداربوونی خۆی دەکات لە ریزەکانی گەریلا: "من نەمتوانی بەشداری سوپای تورک بکەم، بەشداریکردن لە سوپای تورک بۆ گەنجێکی کورد خیانەتێکی گەورەیە لە دۆزی خۆی، چونکە ئەوە ٤٠ ساڵە لە چیاکانی کوردستان تێکۆشانی ئازادی هەیە، گەریلاکانی پەکەکە لەپێناو ولاتی خۆیان و گەلی خۆیان تێدەکۆشن، من نەمتوانی لوولەی تفەنگەکەم ئاراستەی ئەوانە بکەم کە ٤٠ ساڵە بۆ ئازادی من دەجەنگن، بۆیە منیش وەکو گەنجێکی کورد هاتمە شوێنێک کە شایانی ئەوەم کە لەناو ریزەکانی گەریلادا لە تێکۆشانی خۆمدا بەردەوام بم".

 

هەڵوێست پارتیزان کە لە بنەڕەتدا خەڵکی رحایە و لە دیلۆک گەورە بووە، بەشداربوونی لە ریزەکانی سوپای تورک رەت کردەوە و لە ساڵی ٢٠١٧دا ڕووی کردە ناوچە ئازادەکانی کوردستان، پارتیزان وتی: "نابێ من بچمە ریزی ئەوانەی کە دژایەتی گەلی من و ولاتی من و مێژووی من دەکەن، دەبێ لە ریزی ئەو کەسانە بم کە بۆ ئازادی گەلی من و وڵاتی من تێدەکۆشن".

 

 

پارتیزان وەها بەردەوام بوو: "ئەوکاتەی دەبوایە بەشداری سوپای تورکیا بکەم، من بڕیاری خۆم گۆڕی و بەشداری ریزەکانی گەریلام کرد، بۆ گەنجێکی کورد کە بەشداری ریزەکانی سوپای تورک ببێت و دژی پەکەکە شەڕ بکات کە بۆ ئازادی گەل و وڵاتی کورد تێدەکۆشێت خیانەتە، هەربۆیە منیش هاتمە شوێنێک کە شایستەی ئەوەم، هەڵبەتە لێرەوە من لە نزیکەوە دڕندەیی و وەحشیگەریی دوژمنم بینی، ئێستا تێگەیشتووم کە من بڕیارێکی چەندە راستم داوە، لەوەی کە بەشداری ناو ریزەکانی گەریلام کردوە".

 

پارتیزان وتیشی: "شانازی بەوە دەکەم  و سەرفراز و سەربڵندم بەوەی کە دژی فاشیزمی دەولەتی تورک لەشەڕدام، چونکە دەوڵەتی تورک دژی گەلی کوردستان هەموو جۆرە شەڕێک دەکات، تەنانەت کۆمەلکوژییش بە ڕەوا دەبینێت"

 

د.خ



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin