Smiley face
Smiley face
Smiley face

لە ڕۆژهەڵاتی کوردستان لە ماوەی هەفتەیەکدا دوو ژن ئاگریان لە جەستەیان بەردا

2017-05-19 18:04:05



ڕۆژنیوز - ناوەندی هەواڵەکان

 

لە شاری دیواندەرەی رۆژهەڵاتی کوردستان، لە هەفتەیەکدا دوو ژن ئاگریان لە جەستەیان بەردا.

 

بەگوێرەی هەواڵێکی ئاژانسی هەواڵی فورات، لە هەفتەی ڕابردوودا دوو ژن لە شارۆچکەی دیواندەرەی سەربە شاری سنەی رۆژهەڵاتی کوردستان خۆیان سووتاندووە و لە ئەنجامدا یەکیان گیانی لە دەستداوە.

 

لەهەواڵەکەدا ئاماژە بەوە دراوە، هۆکاری خۆسووتاندنی ئەو ژنانە فشاری خێزانەکانیان بووە بۆ سەریان.

 

یەکێک لەو ژنانە تەمەنی ٣٠ ساڵ بووە لە گوندی کوسە مەری-ی سەربە دیواندەرە ئاگری لە جەستەی بەرداوە و لە ئەنجامدا گیانی لە دەستداوە.

 

ئەمە لە کاتێکدایە، کە دوێنێش ژنێکی تەمەن ٢٥ ساڵ لە گوندی گوڵانەی سەربە دیواندەرە ئاگری لە جەستەی بەردا و ٢٠%ی جەستەی سووتا و ئێستا لە نەخۆشخانەی شارۆچکەی دیواندەرە لە ژێر چاودێری پزشکیدایە.

 

جێگای ئاماژەیە، کە بە هۆی ڕێگریکردنی ڕژێمی ئێران لە لێکۆڵینەوە  مەیدانییەکان و هەروەها بڵاونەکردنەوەی ئاماری دروستی خۆکوشتن و خۆسووتاندنی ژنان لەلایەن ناوەندە پەیوەندیدارەکانەوە، هیچ ئامارێکی دروست لەبارەی ئەو ژنانەوە لە دەستدا نییە.

 

د.خ



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin